Share to: share facebook share twitter share wa share telegram print page

David Mahlobo

David Mahlobo
Adjunkminister van Menslike Nedersettings, Water en Sanitasie
Ampsbekleër
Termynaanvang
29 Mei 2019
President Cyril Ramaphosa
Minister Lindiwe Sisulu
Minister van Energie
Ampstermyn
17 Oktober 2017 – 26 Februarie 2018
Vise Ellen Molekane
President Jacob Zuma
Cyril Ramaphosa
Voorafgegaan deur Mmamoloko Kubayi
Opgevolg deur Jeff Radebe
Minister van Staatsveiligheid
Ampstermyn
25 Mei 2014 – 17 Oktober 2017
President Jacob Zuma
Voorafgegaan deur Siyabonga Cwele
Opgevolg deur Bongani Bongo
Persoonlike besonderhede
Gebore 14 Januarie 1972 (1972-01-14) (52 jaar oud)
Piet Retief, Transvaal, Suid-Afrika
Nasionaliteit Vlag van Suid-Afrika Suid-Afrika
Politieke party African National Congress
Eggenoot/-note Nompumelelo Mahlobo
Alma mater Universiteit van Zoeloeland

David Mahlobo (gebore op 14 Januarie 1972) is 'n Suid-Afrikaanse politikus en adjunkminister van menslike nedersettings, water en sanitasie. Hy is 'n voormalige Minister van Energie asook voormalige Minister van Staatsveiligheid. [1]

Vroeë lewe

David Mahlobo is op 14 Januarie 1972 gebore op 'n plaas genaamd Bergplaas, KwaNdwalaza, naby Piet Retief in die huidige provinsie Mpumalanga in Suid-Afrika. [1] Hy is die seun van opperhoof Mandlenkosi Mahlobo, hoof van die KwaMahlobo Tradisionele Gemeenskap in Mpumalanga. Weens gedwonge verskuiwings gedurende die apartheidsera, het hy en sy broers en susters hul vroeë jare in Swaziland deurbring.

Opleiding

Hy keer in 1983 terug na Suid-Afrika en studeer aan die Hoërskool Bambanani in 1991. [1] [2] Later studeer hy aan die Universiteit van Zoeloeland by waar hy in 1998 'n BSc-graad in Mikrobiologie en Biochemie behaal en in 1999 'n BSc-honneursgraad in biochemie. [3] Terwyl hy aan die Universiteit van Zoeloeland studeer, was hy aktief in die studenteraad en is hy vir twee termyne verkies as sekretaris en werk hy ook vir die African National Congress, ANC-jeugliga en Suid-Afrikaanse Studentekongres.

Politieke loopbaan

Na die ontbanning van die ANC het Mahlobo as werwingsagent vir die organisasie gewerk, die boerderygemeenskappe rondom Piet Retief en Pongola gemobiliseer en gehelp om die party se strukture in hierdie streke te organiseer. [2] Toe hy in 2002 by die Suid-Afrikaanse staatsdiens aansluit, word hy as direkteur van transformasie in die Departement van Waterwese en Bosbou aangestel tot 2009. [4] In 2009 word hy aangestel as hoof van die departement van samewerkende regering en tradisionele sake in die provinsie Mpumalanga, 'n pos wat hy tot middel 2014 beklee.

Op die ANC se partykonferensie in Mangaung in 2012 is Mahlobo tot die organisasie se nasionale uitvoerende komitee (NUK) verkies. Sy aanstelling in die NUK het sommige verbaas en dit toegeskryf aan sy tienjaar-lange verhouding met Jacob Zuma of die premier van Mpumalanga, David Mabuza. In die NUK sou hy deelneem aan die Nasionale Werkkomitees vir vrede en stabiliteit en organisasiebou; en het vir die NUK in sowel die Gauteng as die Vrystaat gewerk. Hy is in 2013 toegewys aan die oorgangspan wat die ANC-jeugliga hervorm het nadat Julius Malema gevra is om die pos te bedank voordat laasgenoemde uit die ANC geskors is. Op 25 Mei 2014 het president Zuma Mahlobo in die kabinet aangestel as minister van staatsveiligheid, 'n pos wat hy tot 2017 beklee het.

Kontroversie

Op 17 Oktober 2017 het president Jacob Zuma sy kabinet geskommel met Mahlobo wat as minister van energie aangestel is. [5] Met die voorgestelde VS$ 74 miljard Russiese kernkragkontrak met Suid-Afrika, wat in 2014 deur Zuma onderhandel is, en in April 2017 deur die Wes-Kaapse hooggeregshof onwettig en ongrondwetlik verklaar is, het Zuma 'n lojale bondgenoot benodig om die kontrak deur te druk en Mahlobo is as daardie persoon gesien. In Februarie 2018 neem Cyril Ramaphosa die Suid-Afrikaanse presidentskap by Jacob Zuma oor, hy skommel sy kabinet en Mahlobo is sy ministerspos kwyt. [6] Die beoordelingspaneel op hoë vlak wat in Junie 2018 deur president Ramaphosa aangestel is, het in die belangrikste bevinding in Desember 2018 genoem [7] dat die minister die staatsveiligheidsagentskap (SSA) beheer het op 'n tydstip "waarin dit 'n feitlik volledige miskenning van die grondwet getoon het... beleid, wetgewing en ander voorskrifte ... wat ons burgerlike intelligensiegemeenskap omskep het in 'n 'private hulpbron' om die politieke en persoonlike belange van bepaalde individue te dien". Die verslag het verder aanbeveel dat ondersoek ingestel word na kriminele aktiwiteite en oortredings van die wet. [8] Nadat Cyril Ramaphosa se ANC die Suid-Afrikaanse verkiesing in 2019 gewen het, is sy nuwe kabinet op 29 Mei 2019 aangekondig en sluit Mahlobo weer in, maar die keer as een van twee adjunkministers in die Ministerie van Menslike Nedersettings, Water en Sanitasie. [9]

Verwysings

  1. ↑ 1,0 1,1 1,2 "Biographical Notes: Minister David Mahlobo". Department of Energy. 2 Januarie 2017.[dooie skakel]
  2. ↑ 2,0 2,1 "Government leaders". Government of South Africa. 2 Januarie 2017. Geargiveer vanaf die oorspronklike op 3 Augustus 2017. Besoek op 24 Februarie 2021.
  3. ↑ "Mr David Mahlobo". Sabinet. 2 Januarie 2017. Geargiveer vanaf die oorspronklike op 13 Januarie 2017. Besoek op 24 Februarie 2021.
  4. ↑ "David Mahlobo". People's Assembly. 12 Januarie 2017.
  5. ↑ "Zuma seems to position Mahlobo to 'push through' nuclear deal - Steve Friedman". News24 (in Engels (VSA)). Aljazeera. Besoek op 18 Januarie 2021.{{cite web}}: AS1-onderhoud: ander (link)
  6. ↑ Corcoran, Bill (27 Februarie 2018). "Ramaphosa fires Zuma loyalists from cabinet". The Irish Times (in Engels). Besoek op 19 Januarie 2021.
  7. ↑ High Level Review Panel Report of the State Security Agency. December 2018 http://www.thepresidency.gov.za/download/file/fid/1518 Geargiveer 22 April 2021 op Wayback Machine
  8. ↑ Khumalo, Thuso; Mahachi, Josephine (13 Maart 2019). "South Africa: Jacob Zuma embroiled in state intelligence scandal". Deutsche Welle (in Engels (VK)). Besoek op 19 Januarie 2021.
  9. ↑ "All the President's women and men - As It Happened". News24 (in Engels (VSA)). 29 Mei 2019. Besoek op 19 Januarie 2021.

Eksterne skakels
Kembali kehalaman sebelumnya