’n Draaias of rotasieas is die denkbeeldige as waarom ’n liggaam roteer. Dit is dus die versameling punte van ’n roterende voorwerp wat in rus is. Dié punte kan ook buite ’n liggaam lê; dit word ’n uitwendige draaias genoem.
Hemelliggame
Die term word veral vir hemelliggame soos planete, sterre en mane gebruik. Die plekke waar die draaias die oppervlak van die hemelliggaam kruis, word die pole genoem.
Die hoek tussen die draaias en die vlak waarteen ’n planeet om die Son beweeg, bepaal die seisoene. As die hoek klein is, is die verskille tussen die seisoene klein; as die hoek groot is, is die verskille ook groot.
