Die nuwe tweesaadlobbiges of eudicots is 'n monolitiese klade van blomdraende plante. Die "kern educots" staan as gevorderde tweesaadlobbiges bekend, terwyl die res van die "educots" as primitiewe tweesaadlobbiges beskryf kan word. Hierdie klade word nie as 'n formele takson erken nie en is dus nie 'n botaniese naam of rang nie. Daarteenoor vorm dit wel 'n natuurlike groep en die naam word algemeen gebruik.
Ou en nuwe tweesaadlobbiges
Die ou betekenis van "tweesaadlobbiges" het betrekking op 'n takson, met 'n formele botaniese naam en 'n rang. Die naam hiervoor is Dicotyledones (ook Dicotyledoneae), Magnoliopsida (in die rang van klasse) of Magnoliidae (in die rang van subklasse). Dit het egter aan die lig gekom dat die takson, hoewel baie bekend, nie 'n natuurlike eenheid vorm nie.
Die nuwe betekenis van "tweesaadlobbiges" ("eudicots") het betrekking op 'n klade, 'n groep wat na vore tree na aanleiding van 'n filogenetiese analise. Hierdie klade, "eudicots" word (tot dusver) nie as 'n formele takon erken nie en het nie 'n botaniese naam of 'n rang nie. Dit is daarteenoor wel 'n natuurlike groep en word in breë kringe onder die naam "eudicots" (soms ook "tricolpates") aanvaar.
Die nuwe groep "eudicots" is 'n deelgroep van die ou Dicotyledones, en sluit die meeste van die ou spesies in. Die bekendste uitsonderings is die waterlelie en die magnolias.
