Die Sokker-Konfederasiebekertrofee waarom meegeding is
Frankryk het die toernooi gewen nadat hulle die medegasheer Japan in die eindstryd geklop en sodoende die tweede span ná Brasilië in 1997 geword wat die kontinentale beker (2000), die wêreldbeker (1998) en die konfederasiebeker agtereenvolgens ingepalm het. Australië het in die derde en Brasilië in die vierde plek geëindig. Die ander medegasheer Suid-Korea is in die groepfase uitgeskakel. Dit was die derde toernooi waartydens die goue doel-reël vir die beslissing van ’n wedstryd ingespan is, dié reël is ook vir die twee vorige 1997- en 1999- asook die daaropvolgende 2003-toernooi ingespan, maar daarna weer geskrap.
Die FIFA Sokker-Konfederasiebeker in 2001 is oor twaalf dae tussen agt verskillende nasies oor 16 wedstryde uitgespeel. Dit het op 30 Mei 2001 op die Daegu-wêreldbekerstadion met ’n wedstryd tussen Frankryk en die medegasheer Suid-Korea afgeskop. Die toernooi het geëindig by die Internasionale Stadion Jokohama in Jokohama op 10 Junie 2001 met die eindstryd tussen Japan en Frankryk, waartydens Frankryk die Sokker-Konfederasiebekertrofee ingepalm het. Dieselfde formaat is voorheen tydens die FIFA Sokker-Konfederasiebekertoernooie in 1997 en 1999 ingespan.
Kalender
Die volgende tabel dui die FIFA Sokker-Konfederasiebeker in 2001 se daaglikse program aan. ’n Pers blokkie dui op wedstryde tydens die groepfase, ’n groen blokkie dui op wedstryde tydens die uitklopfase, ’n blou blokkie op die bronseindstryd en ’n geel blokkie op die eindstryd.
Aantal daaglikse wedstryde tydens die toernooi
Groepfase Mei/Junie
Wo 30
Do 31
Vr 1
Sa 2
So 3
Ma 4
Groep A
2
2
2
Groep B
2
2
2
Uitklopfase Junie
Di 5
Wo 6
Do 7
Vr 8
Sa 9
So 10
Uitklopfase
2
1
1
Legende
Groepwedstryde
Uitklopfase
Derde plek
Eindstryd
Groepfase
Die FIFA Sokker-Konfederasiebeker in 2001 is deur agt nasionale sokkerspanne uitgespeel. Vir die groepfase is die agt deelnemende spanne in twee groepe van vier spanne elk verdeel; elke span het een wedstryd teen elk van die ander spanne in dieselfde groep gespeel, dus het elke span drie wedstryde in die groepfase gespeel. Drie punte is vir ’n oorwinning toegeken, een vir ’n gelykop en geen punte vir ’n nederlaag: spanne wat met dieselfde aantal punte geëindig het, is volgens aangetekende doele gerangskik.
Klassifisering binne elke groep was gegrond op die volgende puntestelsel:
Drie wedstrydpunte vir ’n oorwinning;
Een vir ’n gelykop;
geen vir ’n nederlaag.
Aan die einde van die groepfase is die spanne gerangskik van die eerste na die vierde posisie, gegrond op versamelde wedstrydpunte, met die twee top spanne wat na die uitklopfase deurgedring het. As twee spanne gelyk op punte was, is die rangorde deur hul aantal aangetekende doele bepaal.
Uitklopfase
Van die begin van dié fase af het die toernooi ’n uitklopformaat aangeneem wat uit vier wedstryde bestaan het: twee halfeindstryde, ’n derdeplekwedstryd en die eindstryd.
Die wenner en naaswenner van elk van die groepe het na die uitklopfase deurgedring. Groepwenners het teen naaswenners in ander groepe in die halfeindstryde gespeel met die wenner van Groep A wat teen die naaswenner van Groep B en die wenner van Groep B wat teen die naaswenner van Groep A gespeel het. Spanne van dieselfde groep sou dus eers weer in óf die klein finale óf die eindstryd kon ontmoet het.
Elke wedstryd in die uitklopstadium moes met ’n oorwinning vir een van die spanne eindig. As daar ná negentig minute van gewone spel ’n gelykopuitslag was, is daar verder gespeel om die wenner te bepaal. Aanvanklik is daar twee periodes van ekstra tyd gespeel, 15 minute in elke rigting. As daar steeds nie ’n wenner was ná 120 minute nie, is die wenner deur ’n strafskopkompetisie bepaal.
Wedstryde
Kwalifiseer vir die uitklopfase.
Uit die toernooi geskakel.
Die wedstryde is in twee fases opgedeel, naamlik die groep- en die uitklopfase.
Groepfase
Agt spanne het aan die groepfase deelgeneem. Die boonste twee spanne in elke groep het na die uitklopfase deurgedring.
In 2017 het FIFA ’n verslag gepubliseer waarin al die deelnemende spanne van elke Sokker-Konfederasiebeker insluitende die destydse FIFA Sokker-Konfederasiebeker in 2017 geranglys is volgens vordering in die toernooi, algehele resultate en kwaliteit van die meedinger.[1] Die ranglys vir die 2001-toernooi is soos gevolg:
.svg){kind=small}
.svg){kind=logo}
