Framton is ’n voorstad van Johannesburg, sowat 3,5 km suidwes van die stadsaal geleë.
Framton beslaan net 0,1 km². In die noorde grens dit aan onbeboude myngrond, in die ooste aan ’n oop stuk veld wat dit van Ophirton skei, in die suidooste aan Booysens en in die suidweste aan Booysens Reserve. Framton bestaan net uit ’n groot staanplek vir Johannesburg se PUTCO-busse wat omstreeks 2013/'14 gebou is, die M1 (De Villiers Graaff-motorweg) en die M70 (Soweto-hoofpad).
Dis op die plase Mooilaagte, Ormonde en Turffontein aangelê en op 11 November 1964 geproklameer. Die spelling Frampton kom ook soms voor. Dit is genoem na Morris Herbert Fram, die eienaar van Framton Industrial.
Bron
- (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers
