Hiëronimus in sy studeerkamer. 'n Skildery deur Domenico Ghirlandaio.
Internasionale Vertaaldag word elke jaar op 30 September waargeneem. Dit val saam met die feesdag van Hiëronimus, die Bybelvertaler wat as die beskermheer van vertalers gesien word. Die vieringe word sedert dit in 1953 ingestel is deur FIT (die Internasionale Federasie van Vertalers) bevorder.
In 1991 is die idee van 'n amptelik erkende Internasionale Vertaaldag vir die eerste keer deur FIT voorgestel. Die doel agter die dag is om solidariteit te bewerkstellig en die professie wêreldwyd te bevorder. Dit skep 'n geleentheid om die belangrike en noodsaaklike werk wat vertalers verrig, met trots ten toon te stel.
