Patrick McKenzie (gebore op 8 Desember 1952 in Kaapstad) is 'n Suid-Afrikaanse politikus uit die bruin gemeenskap, agtereenvolgens lid van die Arbeidersparty (1984-1991), van die Nasionale Party (1991-1998), van die Nuwe Nasionale Party (1998-1999) en van die African National Congress (sedert 1999).
Lid van die Nasionale Vergadering
Hy was 'n lid van die Huis van Verteenwoordigers van die driekamerparlement vir die kiesafdeling Bonteheuwel (1984-1994), lid van die Nasionale Vergadering (Parlement) (1996-1997) en van die Provinsiale Vergadering van die Wes-Kaap (1994-1996 en 1997-2012). Hierna was hy van Maart tot Junie 1996 Minister van Maatskaplike Ontwikkeling in die Kabinet van Nelson Mandela.
Lid van Wes-Kaapse provinsiale parlement
Van 1994 tot 1999 was hy lid van die uitvoerende raad van die Wes-Kaapse provinsiale parlement, verantwoordelik vir polisiedienste (1994-1996), toe plaaslike regering en loterye (1997-1999). Hierna was hy weer lid van die uitvoerende raad, verantwoordelik vir kultuursake, sport en ontspanning (2001-2004) en veiligheid (2008-2009).
