Prins Andrew, Hertog van York

Prins Andrew
Die Hertog van York
Volle naam	Andrew Albert Christian Edward
Eggenote	Sarah, Hertogin van York (getroud 1986, geskei 1996)
Kinders	Prinses Beatrice van York Prinses Eugenie van York
Titels	SKH die Hertog van York SKH prins Andrew Graaf van Inverness Baron Killyleagh
Huis	Windsor
Vader	Prins Philip
Moeder	Koningin Elizabeth
Gebore	19 Februarie 1960; Buckingham-paleis, Londen

Prins Andrew, die Hertog van York (Andrew Albert Christian Edward; gebore 19 Februarie 1960) is die derde kind en tweede oudste seun van koningin Elizabeth en prins Philip.^[1] Sy amptelike titel is die Hertog van York. Met sy geboorte was hy die tweede aanspraakmaker op die Britse troon, maar hy is tans agtste. Hy was die eerste kind wat vir ’n heersende monarg gebore is sedert koningin Victoria se jongste kind, prinses Beatrice in 1857.

Prins Andrew is bekend vir sy militêre diens as 'n vlieënier in die Britse Vloot en sy deelname aan die Falkland-oorlog. Hy was vir 10 jaar lank die Verenigde Koninkryk se spesiale verteenwoordiger vir internasionale handel en beleggings.

Prins Andrew is in 1986 met Sarah Ferguson getroud. Hulle het twee kinders, prinses Beatrice en prinses Eugenie. Andrew en Sarah is in 1996 geskei. Hul huwelik en egskeiding het groot belangstelling van die media ontvang.

In 2019 was prins Andrew in 'n skandaal met die Amerikaanse miljardêr-pedofiel Jeffrey Epstein betrokke.

Hierdie artikel is merendeels vertaal vanaf die Engelse Wikipedia-artikel en:Prince Andrew, Duke of York

• Die Hertog van York se amptelike webtuiste
• Royal.gov.uk – Die Hertog van York