Share to: share facebook share twitter share wa share telegram print page

Prins Louis van Wallis

Prins Louis van Wallis
Prins Louis in 2022.
Prins Louis in 2022.
Volle name Louis Arthur Charles
Huis Huis van Windsor
Vader William, Prins van Wallis
Moeder Catherine, Prinses van Wallis
Gebore 23 April 2018 (2018-04-23) (6 jaar oud)
Londen, Engeland

Prins Louis van Wallis (Louis Arthur Charles; * 23 April 2018) is een van die jongste lede van die Britse koninklike familie. Hy is die derde oudste kind en tweede oudste seun van William, Prins van Wallis, en sy vrou, Catherine, Prinses van Wallis. Hy is die vierde aanspraakmaker op die Britse troon.

Geboorte

Die kanonsaluut in Hyde Park in Londen met die geboorte van prins Louis.

Kensington-paleis het op 4 September 2017 aangekondig dat die Hertog en Hertogin van Cambridge hul derde kind verwag.[1] ’n Seun is op 23 April 2018 gebore.[2][3] Hy is die eerste keer in die openbaar gesien sewe uur ná sy geboorte, buite die Lindovleuel van die St. Mary-hospitaal.[4] Op 27 April 2018 is sy naam aangekondig.[5] Sy eerste en laaste naam is onderskeidelik ter ere van sy verlangse oom lord Mountbatten en sy oupa die Prins van Wallis.[4]

Titel en opvolging

Louis is van sy geboorte af ’n prins van die Verenigde Koninkryk met die aanspreekvorm Koninklike Hoogheid volgens ’n patentbrief van sy ouma wyle koningin Elizabeth II op 31 Desember 2012 waarvolgens dié titel en aanspreekvorm gegee word aan alle kinders van die Prins van Wallis se oudste seun.[6] Sy titel was dus by geboorte Sy Koninklike Hoogheid prins Louis van Cambridge.[4]

Prins Louis is die vierde aanspraakmaker op die Britse troon ná sy pa en twee ouer sibbes, prins George en prinses Charlotte.[2] Ná die inwerkingstelling van die Perth-ooreenkoms, wat opvolging deur manlike eersgeboortereg met dié deur eersgeboortereg ongeag geslag vervang het, is hy die eerste Britse prins wie se suster ’n groter aanspraak op die troon het as hy.[7]

Verwysings

  1. ↑ "Duchess of Cambridge expecting third child" (in Engels). BBC News. 4 September 2017. Geargiveer vanaf die oorspronklike op 4 Mei 2020. Besoek op 23 April 2018.
  2. ↑ 2,0 2,1 "Duchess gives birth to baby boy" (in Engels). BBC News. 23 April 2018. Geargiveer vanaf die oorspronklike op 20 Maart 2020. Besoek op 23 April 2018.
  3. ↑ "The Duke and Duchess of Cambridge's third baby". The Royal Family (in Engels). Londen: Buckingham-paleis. 23 April 2018. Geargiveer vanaf die oorspronklike op 9 Mei 2020. Besoek op 23 April 2018.
  4. ↑ 4,0 4,1 4,2 "Prince Louis Arthur Charles: New royal baby name announced by Duke and Duchess of Cambridge" (in Engels). The Telegraph. 27 April 2018. Geargiveer vanaf die oorspronklike op 12 Augustus 2019. Besoek op 27 April 2018.
  5. ↑ "Royal baby: Duke and Duchess of Cambridge name their baby son Louis" (in Engels). The Guardian. 27 April 2018. Geargiveer vanaf die oorspronklike op 31 Julie 2019. Besoek op 27 April 2018.
  6. ↑ London Gazette, uitg. 60384, 8 Januarie 2013, p. 213
  7. ↑ "Royal baby: Duchess of Cambridge gives birth to new prince" (in Engels). BBC News. 23 April 2018. Geargiveer vanaf die oorspronklike op 28 November 2019. Besoek op 23 April 2018.

Eksterne skakels
Kembali kehalaman sebelumnya