Waterval

'n Waterval is 'n geologiese formasie in 'n rivier of stroom waar die water se vloei deur 'n skerp hoogteverskil onderbreek word en na benede stort. Watervalle ontstaan as gevolg van erosie as die water oor 'n harder gesteentelaag vloei. Die daaropvolgende laag sal vinniger erodeer, wat mettertyd die val in hoogte veroorsaak. Watervalle ontstaan gewoonlik terwyl 'n rivier nog jonk is.^[1]

Watervalle is gewoonlik 'n trekpleister vir toeriste en word as een van die mooiste natuurverskynsels beskou. Die val van die water veroorsaak ook 'n dreuning wat al as musiek beskryf is.^[1]

Die hoogste waterval in die wêreld is die Angel Falls in Venezuela, waar die water 979 meter na benede val.^[2] Die tweede hoogste waterval, die Tugelawaterval, is in die Drakensberge in Suid-Afrika geleë.

• 
  Die Tugelawaterval in die Drakensberge, KwaZulu-Natal
• 
  Nafa-Khum waterval aansig
• 
  Die Augrabieswaterval in vloed
• 
  Die Augrabieswaterval in die Oranjerivier, Noord-Kaap
• 
  Die Nieuwoudtvillewaterval in die Doringrivier, Noord-Kaap
• 
  Die Mac-Macwaterval in Mpumalanga
• 
  Die Lone Creekwaterval naby Sabie in Mpumalanga
• 
  Die Berlynwaterval in Mpumalanga
• 
  Die Howickwaterval in die Umgenirivier, KwaZulu-Natal

Wikimedia Commons bevat media in verband met Waterfalls.

Sien waterval in Wiktionary, die vrye woordeboek.

Hierdie artikel is ’n saadjie. Voel vry om Wikipedia te help deur dit uit te brei.