D Elfriede Kastner (* 3. Februar 1924 z Muulburg as Elfriede Maria Boos) isch e dytschi Dialäktdichteri.
Läbe
D Elfriede Boos isch z Muulburg uf d Wält chuu. Wu si drei Johr alt gsii isch, isch ihre Vater gstorbe, ihri Mueter isch derno mit dr Elfriede un ihre Schweschter uf Mille zoge.
No dr Schuel het si ne Uusbildig as Lehreri aagfange, het die aber mieße abbräche, wu dr Chrieg aagfange het. Ab 1944 het si vier Johr lang uf dr Landkraiskasse vum Landrotsamt gschafft.
Anne 1947 het si dr Hermann Kastner gyhrote, wu anne 1976 gstorben isch. Si hän zämme ne Suhn ghaa, wu mit 54 Johr gstorben isch. Vu 1957 bis 1987 het d Elfriede Kastner mit ihre Familie im Remstal bi Stuegert gläbt.
Anne 2006 isch d Kastner in s Elisabethehaim z Millen umzoge, zerscht in s bedreite Wohne, speter in s Bflääghaim.
d Dichteri
Scho in ihre Juged het si Gedicht un Gschichte gschribe. In dr Zyt, wu si im Remstal gläbt het, het si aagfangen uf Alemannisch z schrybe, ass si ihre Markgrefler Dialäkt nit verliert.
Wu si in s Markgreflerland retuur chuu isch, isch ihre erschte Gedichtband Um mi umme uusechuu. Gedicht vun ere sin au in dr Badische Zytig un im Millemer Stadtkurier erschine.
Iber s Läbe vu ihre Mueter het si au ne Buech gschribe (Das schwere Leben meiner Mutter), wu aber nume fir ihri Verwandte bstimmt un nit druckt woren isch.
D Kaster isch Mitglid in dr Muettersproch-Gsellschaft.
Schrifte
- Um mi umme. Gedichte in alemannisch und hochdeutsch. Selbstverlag, Müllheim 1988. 116 S.
Weblink
