D Kaimaninsle (änglisch Cayman Islands) si en Inselgruppe in dr Karibik und britischs Überseegebiet vom Vereinigte Königriich.
Geographii
D Gipfel vom ene submarine Gebirg, em Kaimanrugge wo bis uf Kuba goht, bilde d Inselgruppe. Ihre Name verdanke d Insle de Echsenarte, wo do läbe und wo mä zerst mit Chrokodil verwächslet het.
D Inselgruppe bestoht us de drei Insle Grand Cayman, Little Cayman und Cayman Brac und lit öbbe 350 km südlig vo Kuba. D Insle verdeile sich uf e Flechi vo öbbe 262 km², mit 197 km² s Meiste uf Grand Cayman.
Im Norde vo dr Insle Grand Cayman befindet sich zwüsche Rum Point und Conch Point die 80 km² grossi Bucht North Sound. Die Bucht isch seicht, mit Diefene vo meistens 1,8 bis 3,8 Meter.
Bevölkerig
Öbbe 90 % vo de 45'436 Iiwohner läbe uf dr grösste Insle Grand Cayman.
Über d Johrhundert het sich e vilfarbig gmischti Bevölkerig bildet, wo sehr stolz uf d Harmonii under de Iiwohner vo underschiidliger Härkumft isch. Sitte und Brüüch si immer no vo den erste Siidler im 18. Johrhundert brägt, wo vo de britischen Insle cho si. Die dominierendi Religion isch s Christedum.
Fuessnote
- ↑ CIA World Factbook 2009: Beschreibung der Cayman Islands
19.508020155-80.521545410278Koordinate: 19° 30′ N, 80° 31′ W
.svg){kind=small}
