Kalifornie (englisch und spanischCalifornia) isch dä Bundesstaat vo dän USA, wo met Abstand am bevölkärigsrichschte und flächemässig de drittgröschti isch. Er lit im Weschtä vom Land und grenzt an Pazifischän Ozean, a d US-Bundesstaate Oregon, Nevada, Arizona und an mexikanischä Staat Baja California of dä glichnamigä Halbinslä. Dä offizielli Binamä vo Kaliforniä lutät „Golden State“ (Goldigä Staat).
Mit ere Flechi vo 411.000 km² isch Kalifornie der drittgrössti Staat in de USA noch Alaska und Texas. Wenn Kalifornie en unabhängigs Land wär, wär s der Grössi noch uf em 59. Blatz, zwüschen em Irak und Paraguay.
Dr Mt. Whitney isch mit 4.418 m der höchst Bärg in de USA usserhalb vo Alaska. Im WüestegebietDeath Valley (Tal vom Dod) lit Badwater, wo dr niidrigst Punkt in de USA isch, 85,5 m u.d.M. Death Valley het si Name in der Ziit vo de erste europäische Siidler an der Westküste übercho, wo biim Durquere vo dr Wüesti nit sälte under dr Hitz und Durst glitte hai und mänggi si au dra gstorbe. Z Kalifornie git s zahlriichi Naturpark. Zu de bekannteste ghört der Yosemite-Nationalpark.
