Kolumbien

	República de Colombia; Republik Kolumbie
{{{ARTIKEL-FLAGGE}}}	{{{ARTIKEL-WAPPEN}}}
	Wahlspruch: „Libertad y Orden“; span., „Freiheit und Ornig“
Amtsspraach	Spanisch
Hauptstadt	Bogotá, D.C.
Staatsoberhaupt und Regierigschef	Gustavo Petro
Flächi	1.141.748 km²
Iiwohnerzahl	41.966.004 (Oktober 2006 noch dr Volkszelig)
Bevölkerigsdichti	36,8 Iiwohner pro km²
Bruttoinlandsprodukt pro Iiwohner	3.080 US-$ (2007)
Human Development Index	0,791
Währig	Peso
Unabhängigkeit	vo Spanie am 20. Juli 1810 erklärt, am 7. August 1819 aerkännt
Nationalhimne	Himno Nacional de la República de Colombia
Zitzone	UTC-5
Kfz-Kennzeiche	CO
Internet-TLD	.co
Vorwahl	+57

Kolumbie (offiziell República de Colombia oder eifach Colombia) isch es Land im Norde vo Südamerika, wo a Brasilie, Peru, Ecuador, Venezuela und Panama gränzt. Kolumbie isch nach Brasilie das Land mit der gröschte Bevölkerig vo Südamerika und der drittgröschti Schdaat in Latinamerika mit öppe 42,645 Millione Iwoner.
Kolumbie het Küschte am Pazifik und au a der Karibik; dört isch die bekannti Kolonialschdat Cartagena de Indias.
Kolumbie heisst wägem Kolumbus eso.
Bogotá ischd Hauptstadt und s wirtschaftleche und kulturelle Zentrum vom Land.

Gschicht

1804 het sich St. Domingue (hüte Haiti) sälbständig gmacht, und wo um 1810 dr Simón Bolívar und dr Francisco de Paula Santander ä Befreiigschrieg gege Spanie hai afo füehre, si si vo St, Domingue unterstützt worde. Dr Simón Bolívar isch dr erst Presidänt vo Grosskolumbie (Gran Colombia) gsi vo 1821 bis 1830, dr Francisco de Paula Santander zerst si Vizepresidänt und, wo dr Bolívar zruggträte isch, Presidänt. 1830 isch dr Bolívar gstorbe und im Johr druff het sech Grosskolumbie ufglöst in d Staate Bolivie, Kolumbie, Ecuador, Panama, Peru und Venezuela.

Vo 1861 bis 1863 het s z Kolumbie ä Bürgerchrieg ge und, won er fertig gsi isch, si die Vereinigte Staate vo Kolumbie (Estados Unidos de Colombia) gründet worde, wo bis 1886 existiert hai. Sit denn isch s Land as Republik vo Kolumbie bekannt.