D Rosina Gschwind-Hofer (* 3. Februar 1841 z Bigle; † 10. Mai 1904 z Kaiseraugscht; haimetberäächtigt z Therwil) isch e Schwyzer Leereri un Fraueräächtleri gsii.
Lääbe
D Rosina Gschwind-Hofer isch e Doochter vum Johann Hofer, eme Gaschtwiirt, un syre Frau Anna Moser gsii. Si het dr Chaufmann Rudolf Zeller ghyroote. E zwooti Ee isch si 1876 mit e Paulin Gschwind yygange.
D Gschwind het no dr Schuel zeerscht Modischti gleert un druf e Uusbildig zur Primaarleereri gmacht. Vu 1862 bis 1866 het si z Stäffisbuurg un z Thun unterriichtet. Wu ire eerscht Mann 1875 gstoorben isch, het iri zwooti Ee mit eme chrischtkadoolische Bfaarer fir Ufsää gsoorgt
Ab 1885 het si eefetligi Voordreeg iber Erneerigsfrooge ghalte. Si isch aafangs Mitglid im Schwyzer Fraueverband (SFV) gsii un isch aber us em SFV 1888 zäme mit ire Mitstryterne Emma Coradi-Stahl un Emma Boos-Jegher im Stryt uusdrätte, statt däm hän si dr nei Schwyzerische Gmainnitzige Fraueverain (SGF) grindet. D Gschwind-Hofer isch vu 1888 bis 1889 au Bresidänti vu sällem gsii. Si het mitghulfe z Buchs e Huushaltigsschuel ufböue un z Länzbrg e Dienschtboteschuel. Vu 1890 bis 1904 het si d Huushaltigsschuel z Kaiseraugscht glaitet, wu si deert grindet ghaa het. Ab 1897 isch si Mitgliid vu dr Briefigskummissioon vum Huushaltigsleererneseminaar Bärn gsii.
Wäärch
- 550 Kochrezepte von Frau Pfarrer Gschwind. Fünfte Auflage, aus deren Nachlass durch 50 Konserven-Rezepte vermehrt. K. J. Wyss, Bern/Basel 1905.
Literatuur
- Frieda Maria Huggenberg: Frauen dienen der Heimat. Drei soziale Frauenleben. Lebensbilder von Maria Rosina Gschwind-Hofer, Gertrud Villiger-Keller, Emma Coradi-Stahl. Rascher Verlag, Zürich/Leipzig 1939, S. 5–30.
- Regula Ludi: Rosina Gschwind-Hofer. In: Historisches Lexikon vo dr Schwiiz.
- Barbara Traber: Bernerinnen. Vierzig bedeutende Berner Frauen aus sieben Jahrhunderten. K. J. Wyss Erben, Bern 1980, S. 71–75
