Betlem (en arabe بيت لحم (Bayt Laḥm) "casa d'a carne"; en hebreu בית לחם (Beit Lehem) "casa d'o pan") ye una ciudat situata 9 km a lo sud de Cherusalem, enclavata en os Monts de Chudea, en Cischordania. Se troba administrata en l'actualidat por l'Autoridat Palestina. A suyas coordenadas cheograficas son: 31º 42' N 35º 12' E. A suya población ye de 29.927 habitants, a mayoría cristianos.
Toponimia
En o "Libro del Trasoro" escriben Bellem, con -l·l- cheminata culta e rematato en -m, igual como muitos hebraismos y arabismos, encara que ixas rematanzas gosen pronunciar-se en [-n] ("Cherusalem", "Miriam", "Alcalatén", etc...):
Daujd fillo de Gesse, que fe sallido de la ljnea de Judas, nascio en
Bellem e mato a
Golias el gigant, que era enemigo del rey Saul
