O condau de Harju (en estonio Harju maakond) u Harjumaa ye un d'os quince condaus d'Estonia. Con una superficie de 4.333 km², se troba situau en o sud d'a costa d'o golfo de Finlandia, y muga con os condaus de Lääne-Viru (Viru Occidental) a l'este, Järva a o sudeste, Rapla a o sud y Lääne (Occidental) a o sudueste.
Actualment, mas d'un tercio d'a población d'o país vive en dito condau. Seguntes estimacions de 2018, isto suposa un total de 610.468 habitants.
A capital de dito condau ye Tallinn que, a la vegada, ye capital d'a republica. Recientment, l'organo lechislador de dito municipio ha ninviau una petición a o gubierno d'a nación ta cambear o suyo estatuto actual y pasar a convertir-se en un organismo administrativament independient, difuera d'o condau de Harju.
Vinclos externos
