Gaspar Juan de la Figuera, naixito de Fraga (hué en o Baixo Cinca, Uesca) en 1537 y muerto en o monesterio de Montserrat (hué en Monistrol de Montserrat, Baches, Catalunya) o 15 de febrero de 1586, estió un eclesiastico aragonés, que plegó a estar bispe en os bispatos de Chaca (1578-1583), Albarracín (1583-1585) y Leida (1585-1586).
Actividaz eclesiasticas
En a suya carrera eclesiastica, Gaspar Juan de la Figuera estió canonche en a Seu d'o Salvador de Zaragoza, ta estar dimpués archidiacono d'a Seu de Santa María de Teruel.
O 2 de chunio de 1578 fue nombrato bispe de Chaca, cargo d'o cual en prenió posesión o 21 de setiembre de 1578.[1] En 1582 vesitó a Universidat de Uesca, como comisionato d'o Papa Gregorio XIII y d'o rei Felipe I d'Aragón. O 28 de marzo de 1583 fue nombrato bispe d'Albarracín,[1] y o 12 d'agosto de 1585 bispe de Leida.[1] Dende iste zaguer cargo, prenió parte en as Corz de 1585 en Monzón.
Gaspar Juan de la Figuera morió o 13 de febrero de 1586 en o monesterio de Montserrat, en Catalunya, a on yera de vesita apostolica con Chuan de Bardaxí, asesor d'o Gubernador d'Aragón, y de Sant Chusep de Calasanz (yeran familia)[2] ta solventar problemas de luitas de monches en o monesterio.[3] Se diz que morió enverenato.[4]
Obras
Vinclos externos
Referencias
