Inés Ayala Sender, naixida de Zaragoza (Comarca Central, Aragón) o 28 de marzo de 1957 y muerta en ixa mesma capital o 25 de chulio de 2024,[1][2][3] estió una filologa, politico, sindicalista y profesora universitaria aragonesa, que dende 2004 dica 2019 estió deputada en o Parlamento Europeu por Espanya en as listas d'o Partido Socialista Obrero Español, fendo parte d'o grupo parlamentario Grupo de l'Alianza Progresista de Socialistas y Democratas mientres a VI, VII y VIII lechislaturas d'o Parlamento Europeu, destacando mientres a suya presencia por a suya esfensa d'a reapertura d'a linia ferria de Canfranc.
D'atra man, yera sobrina d'o escritor aragonés Ramón J. Sender, y entre los anyos 1980 y 1990 estió profesora universitaria en o departamento de Literatura espanyola d'a Universidat de Zaragoza, una d'as dos universidaz a on se i heba formau, chunto con a Universidat Libre de Bruselas
Antiparte, en as eleccions municipals de 2019 estió esleyida concellera d'o Concello de Zaragoza en as listas d'o Partido de los Socialistas de Aragón, encara que no tornó a presentar-se en as eleccions de 2023.
Referencias
Vinclos externos
