Pablo Serrano Aguilar, naixito de Crivillén (Andorra-Sierra d'Arcos) o 10 de febrero de 1908 y muerto en Madrit (Espanya) o 26 de noviembre de 1985, estió un destacato escultor aragonés, con cuantos premios recibitos mientres a suya carrera artistica, incluyindo-ie o Premio Prencipe d'Asturias d'as Artes.
Pablo Serrano se formó artisticament en a ciudat de Barcelona, en a Escuela d'Artes y Oficios de Barcelona y en l'Academia d'Artes Polidas de Barcelona. Emigrant en Montevideo (Uruguai) estió a iste país y a l'Archentina a on desembolicó os suyos fundamentos artisticos. Tornó a Europa en 1954, fendo cuantos viaches de formación por o continent. En 1957 partecipó en Madrit en a fundación d'o Grupo El Paso, chunto con Manolo Millares, Rafael Canogar y Juana Francés y con atros artistas aragones como Antonio Saura u Manuel Viola.
En os anyos 1980 plegoron os premios, como a Medalla d'Oro de Zaragoza (1980), o ingreso en a Reyal Academia d'Artes Polidas de Sant Ferrando de Madrit (25 de chunio de 1981) u o Premio Prencipe d'Asturias d'as Artes (1982). En un alcuerdo con a Deputación Cheneral d'Aragón y con o Concello de Zaragoza, istos se comprometioron a la creyación d'un museu adedicato a la suya obra en a ciudat de Zaragoza, que ye l'actual Museu Pablo Serrano d'a ciudat.
Vinclos externos
