L'Alchafaría (en grafía SLA Aljafaria) ye un castiello-palacio construito en o sieglo XI en a ciudat de Zaragoza (Aragón).[1]
Pasó a estar residencia d'os reis cristianos dezaga d'a conquiesta de Zaragoza por Alifonso I lo Batallero. Destaca la reforma que realizoron os Reis Catolicos en 1492. En 1593, Felipe II la transformó en cuartel.
I habió reformas en os sieglos XII (1129), XIII (1260 y 1292), XIV (1301 y 1356), XV (1490-1493), XVI (1593), XVIII (1772) y XIX (1862).
Ye declarato por a UNESCO como Patrimonio d'a Humanidat.
Toponimia
O nombre se documenta por primera vegata en un texto d'Al-Yazzar as-Saraqusti (activo entre 1085 y 1100) y unatro d'Ibn Idari de 1109, como derivación d'o prenombre d'Al-Muqtadir, Abu Cha'far, (trascribindo a letra chim arabe por ch): «Al-Chafariyya». «Al-Chafariyya» evolucionó ta Alchafaría, escrito en aragonés medieval como Aliafaria u Algafaría, y d'astí pasó ta o castellano «Aljafería», con j velar.
Liendas
I hai cuantas leyendas:[2]
- una diz que lo palacio estió construyiu en una solenca nueit.
- unatra diz que estió lo fogar d'un alquimista que creyó un homenet artificial per meyo d'un conchuro.
- se diz que bi ha dos pantasmas dondiando per o palacio. Un ye d'un chodigo acusau de nigromant. L'atro ye d'una dama vestida de blanco.
Referencias
Vinclos externos
