Roca

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En cheolochía se diz roca a un agregau natural d'un u mes minerals que forman sobre la crosta terrestre una masa cartografiable.

Las rocas formadas por una especie mineral son "monomineralicas" y las formadas por unas cuantas especies minerals son "composadas". Las rocas no siempre son materials duros, las rocas d'archila u arena son tovas.

En a crosta terrestre bi ha tres tipos de rocas:

• rocas magmaticas: rocas formadas por a solidificación de magma u de lava (magma esbrafau).
• rocas metamorficas: rocas formadas por alteración en estado solido de rocas ya consolidadas d'a crosta terrestre, cuan quedan sozmesas a un ambient enerchetico muito diferent de l'ambient d'a formación suya.
• rocas sedimentarias: rocas formadas por a consolidación de sedimentos, materials procedents d'a erosión de rocas anteriors, u de precipitación a partir d'una disolución.

Las rocas son sozmesas a continos cambios por as accions d'os achents cheolochicos, seguntes un ciclo zarrau (o ciclo d'as rocas), tamién dito ciclo petrochenetico, en o cual intervienen mesmo os sers vivos.