Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Yin y yang, simbolo d'o taoísmo.
O taoísmo (Wade-Giles: Tao, Hanyu pinyin: Dao; 道) se desarrolló a partir d'un sistema filosofico basato en es escrituras de Lao Tse (Laozi en pinyin, una transcripción fonetica de l'idioma chinés), o Tao Te Ching (Dao De Jing en pinyin), quí se creye vivió en o sieglo VI aC. Lao Tse enfatizó a libertat de l'individuo, o deixar fer, a espontaneidat humana, y as experencias misticas. A filosofía taoista prene o Dào Dé Jīng ("O Clasico d'a Vía y o suyo Poder", u "D'o Camín y a suya Virtut", entendita ista como "naturaleza propia") como texto prencipal.
Os conceptos fundamentals d'o taoísmo como relichión s'unioron ya en o sieglo III aC pero no se convertioron en un movimiento relichioso organizato dica o sieglo II. L'obchectivo fundamental d'os taoistas ye a inmortalidat, anque, a vegatas no s'entiende ista literalment, sino como lonchevidat en plenitut. D'a mesma forma, se deciba que as personas que viviban en harmonía con a naturaleza yeran inmortals. Lao Tse fue deificato como dios taoista, estando lo primero d'un enorme panteón d'heroes folkloricos, chenerals famosos y sabios, toz os cuals consiguioron a inmortalidat.
Mas tardi, o taoísmo se mezcló, entre atros, con elementos d'o confucianismo y d'o budismo. A forma concreta de relichión taoista que fue levata ta Taiwan fa bels 300 anyos ye tipica d'ista tradición. A caracteristica mas distintiva d'a practica actual ye l'adoración d'os antipasaus, chunto a los dioses taoistas.
