- Iste articlo ye sobre una cinta de cine belico de cine estausunidense de l'anyo 1968; ta atros usos, se veiga he Devil's Brigade.
The Devil's Brigade (títol orichinal en anglés, en aragonés A brigada d'o diaple, enguerada en Aragón con o suyo títol traduciu enta lo castellano como La brigada del diablo) ye una cinta de cine estausunidense de cine belico de l'anyo 1968 dirichida por Andrew V. McLaglen seguntes un guión adaptau por William Roberts (basau en a novela The Devil's Brigade, publicada por Robert H. Adleman y George Walton en 1966), con una dirección de fotografía de William H. Clothier, una banda sonora orichinal d'Alex North, una producción cinematografica de David L. Wolper ta la productora cinematografica Wolper Pictures y un elenco d'o cual en fan parte, entre d'atros, os actors William Holden, Cliff Robertson, Vince Edwards, Andrew Prine, Jeremy Slate, Claude Akins, Jack Watson, Richard Jaeckel, Bill Fletcher, Richard Dawson, Tom Troupe, Luke Askew, Jean-Paul Vignon, Tom Stern, Harry Carey Jr., Michael Rennie, Carroll O'Connor, Dana Andrews, Gretchen Wyler, Patric Knowles, Wilhelm Von Homburg, Maggie Thrett, James Craig, Richard Simmons y Norman Alden.
A cinta explica lo proceso de formación y entrenamiento d'a 1ª Fuerza de Servicios Especials, organizada en o verano de 1942 mientres a Segunda Guerra Mundial y composada por soldaus procedents de l'exercito estausunidense y de l'exercito canadiense, y contina con a suya primera misión, una acción mientres a campanya d'Italia en a batalla de Monte la Difensa en aviento de 1943 ta crebar a linia Bernhardt estabida por a Wehrmacht d'o Tercer Reich. Como consecuencia d'ista acción a unidat recibió la embotada de black devils ("diaples negros") pero resultó completament aniquilada, en padeixer un 77% de baixas.
The Devil's Brigade s'ambienta en 1942 y 1943 en Montana y Washington, DC en os Estaus Unius y en Monte Camino en a provincia de Caserta en Italia. As escenas d'a cinta se filmoron en a base militar de Camp Williams d'a Guardia Nacional d'os Estaus Unius en Utah, en atras localizacions en ixe mesmo estau y en Sant'Elia Fiumerapido en a provincia de Frosinone en Italia.[2]
Se veiga tamién
Referencias
Vinclos externos
