Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Toki Pona ye una una luenga construyida conoixida per lo suyo chicot vocabulario. Estió creyau per la lingüista y traductora canadiense Sonja Lang con o proposito de simplificar os pensamientos y la comunicación. Se publicó per primera vegada en linia en 2001 como un borrador, y dimpués en una forma mas completa en o libro Toki Pona: The Language of Good en 2014.[2] En chulio de 2021, Lang lanzó mas tardi un diccionario complementario basau en l'uso d'a comunidat, clamau The Toki Pona Dictionary.
Una chicota comunidat de parlants se desenvolvió a primers d'o decenio de 2000.[3] Si bien l'actividat se leva a cabo prencipalment en linia en salas de chat, en os rez socials y en atros grupos, i habió cualques reunions organizadas en persona entre os decenios de 2000 y 2010.
Nombres d'as partis d'o cuerpo humán en Toki Pona.
A caracteristica prencipal de Toki Pona ye lo minimalismo. Se centra en conceptos universals simples, fendo emplego de muito poco pa expresar-se a lo maximo. L'idioma ye aislau y tien 14 fonemas y arredol de 123 parolas radiz que son facils de pronunciar en toz os idiomas.[4] Manimenos, no estió creyau pa estar un idioma auxiliar internacional. Inspirau en a filosofía taoísta, lo luengache ye disenyau pa aduyar a os usuarios a concentrar-se en cosetas basicas y promover lo pensamiento positivo, d'alcuerdo con a hipotesi de Sapir-Whorf. Tot y con o reduciu vocabulario, os parlants son capaces d'entender-se y comunicar-se entre él, basando-se prencipalment en o contexto y as combinacions de parolas pa expresar significaus mas especificos.
