Alvaro Arbeloa Coca naixito de Salamanca o 17 de chinero de 1983, anque buena parti d'a suya infancia y adolescencia la pasó en a ciudat de Zaragoza, ye un futbolista aragonés hue retirato que chugaba d'esfensa, o suyo zaguer equipo estió o West Ham d'a Premier League inglesa.
Trayectoria
Prencipió a chugar a fútbol en o equipo d'a suya escuela, Jesús María-El Salvador de Zaragoza, dica os 12 anyos cuan ficho por o Real Zaragoza infantil. En a temporada 2001-2002 fue trespasato a lo Real Madrid chovenil. A siguient temporada chugó en o Real Madrid C y entre as anyadas 2003-2004, 2004-2005 e 2005-2006 en o Real Madrid Castiella, an yera o capitán, chugando tamién bels partius en o primer equipo en istas dos zagueras temporadas.
En a temporada 2006-2007 fichó por o Deportivo de La Coruña y a metat d'ixa mesma anyada estió trespasato en o mercau d'hibierno a lo Liverpool F.C. d'Anglaterra. Dende 2009, ye chugador d'o Real Madrid.
Ye estato internacional con Espanya en as categorías sub-15, sub-16, sub-17, sub-19, sub-21 y absoluta, con as que ha ganato un mundial (2010) y una Eurocopa (2008); ye estato tamién internacional absoluto con a Selección Aragonesa.
De resultas d'a Copa d'o Mundo que ganó con a selección espanyola en 2010, ha teniu cuantos reconoiximientos en Aragón, como a Medalla a lo merito esportivo, y o Concello de Zaragoza lo fació pregonero d'as Fiestas d'o Pilar de Zaragoza de l'anyo 2010.
Vinclos externos
