الآله الموسيقيه هى اى اداه بتتصنع أو بتتعدل عشان تعمل مزيكا, فى المبدأ اى اداه بتطلع صوت ممكن التحكم بيه عن طريق شخص (عازف) نقدر نعتبرها آله مزيكا, و الانسان من زمان بيحول المواد فى الطبيعه لآلات مزيكا زى ما حول العظام و البوص لآله الناى.[1][2][3]
آلات المزيكا كان ليها عبر التاريخ عده استعمالات زى التنبيه و النداء فى الاجتماع و التعبير عن النصر أو الفرح أو الحزن.
آلات المزيكا اتطورت مع تطور الانسان نفسو و الادوات اللى بيتسخدمها فى الصناعه و تطور المواد الموجوده فنلاقى مثلا إنو الآلات النفخيه زى الناى اتطورت من استخدام الخشب و العظام و استخدمن النحاس, التطور لسا مستمر و بيواكب التتولوجيا فنلاقى الايام دى آلات مزيكا بتستخدم الكومبيوتر لتوليد أصوات جديده و طريقه عزف جديده.
أنواع الآلات الموسيقيه
الآلات الإيقاعيه: و هى اللى بتطلع الصوت عن طريق الضرب زى الطبل, الدف و الجرس.
الآلات الوتريه: و هى اللى بتطلع الصوت عن طريق اهتزاز الاوتار على الآله زى العود.
آلات النفخ: و هيا اللى بتطلع الصوت عن طريق النفخ فيها زى الفلوت و ناى.
آلات المفاتيح: و هى اللى بتطلع الصوت عن طريق النقر على لوحه مفاتيح موسيقيه على الآله زى البيانو.
