الخنزير هوه حيوانثديى مشقوق الظلف. موجود منه 16 نوع بس اشهرها هو الخنزير المستأنس و الخنزير البري.الخنزير حيوان كلي-الاكل يعنى بياكل كل حاجه ( النباتات و اللحوم) و هوه بشكل عام حيوان ذكى و اجتماعي.
الخصايص
الخنزير انفه له فتحات كبيرة و عيونه صغيره و رجليه قصيره و ذيله قصير و ممكن يكون ملولو او مستقيم و له ظلف مشقوق. الخنزير مالهوش غدد عرقيه.
الاستئناس
ابتدت عملية استئناس الخنزير من حوالى خمس لسبع ت -الاف سنه فى الشرق الادنى من الخنزير البرى و دلوقتى بتنتشر تربيته فى اوروبا و الشرق الاوسط و فى اسيا لحد الصين و اليابان.وصل الخنزير لامريكا مع المستكشفين الاسبان الاولانيين زى دى سوتو. البشر استأنسو الخنزير قبل حيوانات تانية كتيرة زى البقر مثلا عشان سهولة تربيته و لانه بياكل اى حاجة بتتحط قدامه.
الخنزير مسموح باكله عند الكاتوليك و الاورتودوكس الشرقيين و بيعتبرو القديس انطونيوس هوه اللى بيحمى مربيين و رعاة الخنازير.و متحرم اكله عند بعض طوايف المسيحيه زى الادفينتيست.
ادت التحريمات الدينيه بخصوص أكل لحم الخنزير لانتشار فكره غلط و عداوه للخنزير اللى هو مجرد حيوان زى كل الحيوانات على الارض.
الخنزير زيه زى أى حيوان ممكن يتصاب بانواع كتيره من الطفيليات و الامراض اللى ممكن تتنقل للانسان لو كل لحمته من غير ما تتسوى كويس. من اهم الامراض دى اللى نيا سوليام و التركينوزيس و البروسيلا و السالمونيلا.بعض المنتمين للاديان اللى بتحرم لحمة الخنزير بيشوفو فى الامراض دى تبرير لوجهة نظرهم الدينية. بس فى وجهة نظر تانية بتقول ان الامراض دى مس مقصورة على لحمة الخنزير و ممكن تتنقل للانسان لو ما سوّاش اى لحمة تانية بشكل كويس.
