المسيحيين روجو اشاعات ان اليهود بيسمو الأبيره.مسيحيين بيحرقو يهودى بالحيا سنة 1349.
مدبحة اليهود الكبرى هى مجموعة مدابح ارتكبها المسيحيين ضد اليهود فى اوروبا مابين سنة 1348 و 1349. فبعد انتشار وبا الطاعون المعروف بـ " الموت الاسود " فى اوروبا اشاعت طايفه مسيحيه متطرفه اسمها " اللطامين " و معاهم متعصبينمسيحيين ان سبب الوبا هو ان اليهود سممو ابيرة المايه عشان يموتو المسيحيين ، فهاجت الناس اللى كانت عايشه فى جهالات و هاجمو احياء اليهود فى مدن اوروبيه و ارتكبو مدابح فظيعه راحت ضحيتها اعداد كبيره من اليهود. فى المدابح دى المتعصبين المسيحيين كانو بيحرقو و يغرقو اليهودى اللى يقع فى ايديهم. المدابح كان فيها شبه من مدابح اليهود فى الراين فى اواخر القرن الحداشر.
فى يوليه 1339 حصلت مدبحه كبيره فى مدينة فراكفورت. ابتدت المدبحه بدخول اعداد من " اللطامين " المدينه و انضم ليهم الاهالى و هاجمو حى اليهود و ابادو اليهود فيه ، و بعدها بشهر عمل اللطامين موكب لطم فى مينز و انضمت ليهم الحشود و قتلو اليهود فى الشوارع و فى احيائهم و فى كولن اتكررت المدابح بنفس الطريقه. فى بروكسل هاجم المسيحيين اليهود و قتلو منهم 600.
اليهود اللى قتلهم المسيحيين مابين 1348 و 1349 كانت اعدادهم كبيره و كانت المدابح دى تكمله للمدابح اللى بداها الصليبيين ضد اليهود فى 1096 مع بداية الحروب الصليبيه ، و استمرت المدابح بإمتداد العصور الوسطى و اتدهورت حالة اليهود جداً و قلت اعدادهم و عاشو منعزلين عن المجتمعات اللى حواليهم.
