Agra (hindi: आगरा; urdú: آگرہ) ye una ciudá asitiada a veres del ríu Yamuna, nel estáu d'Uttar Pradesh, na India. Foi la capital del Imperiu mogol ente 1556 y 1658.
La ciudá foi fundada ente 1501 y 1504 por Sikandar Lodi, sultán de Delhi, que convirtióla na so capital. El primer emperador mogol, Babur, abellugase nesta ciudá dempués de lluchar con Lodi en 1526. Akbar conviértese na capital oficial del imperiu en 1556.
Ente mediaos del sieglu XVI a mediaos del sieglu XVII, mientres los reinaos de Akbar, Jahangir y Sha Jahan, la ciudá tuvo'l so máximu apoxéu y rellumanza. Sha Jahan ordenó construyir el Taj Mahal en 1631, Más palantre la capital del imperiu treslladase a Delhi.
Tres la cayida del Imperiu mogol, los Jats en 1761, los rajputs de Gwalior en 1764, los Sindhia en 1784 y los británicos en 1803 moraron na ciudá. Mientres la revuelta de los cipayos de 1857 desenvolviéronse diverses batalles sangrientes nel fuerte d'Agra.
Na actualidá (2005) la ciudá recibe millones de visitantes cada añu pa visitar el mausoléu del Taj Mahal. Agra sufre una intensa contaminación atmosférica que ta poniendo en serio apeligro'l caltenimientu del patrimoniu de la ciudá.
Llugares d'interés
- El Taj Mahal, unu de los mausoleos más famosos del mundu.
- El Fuerte coloráu, construyíu por Akbar como palaciu y que'l so fíu convirtió en recintu militar.
- El Mausoléu de Itimad-Ud-Daulah, construyíu ente 1622 y 1628.
- El Mausoléu de Akbar el Grande, construyíu ente 1600 y 1613.
- La tumba de Chini Ka Rauza, primer ministru de Shah Jahan.
- Los xardinos Ram Bagh, primeros xardinos mogoles.
Población
Población: 1.430.055 habitantes.
Agra alcuéntrase a cuasi 200 quilómetros al sur de Delhi. Tien bones conexones cola capital per tren, avión o carretera.
Referencies
Enllaces esternos
Información sobre Agra
