| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Associated Press}} ~~~~ |
The Associated Press o AP (n'asturianu: Prensa Acomuñada) ye una axencia de noticies d'Estaos Xuníos fundada en 1846. Ye una cooperativa propiedá de les sos periódicos, y estaciones de radio y televisión contribuyentes n'Estaos Xuníos, que tanto apurren hestories como utilicen el material escritu pola mesma. Dellos periódicos y estaciones de comunicación fuera d'Estaos Xuníos tán suscritos a la AP —esto significa que paguen por utilizar el material de la AP pero nun son miembros de la cooperativa—.
El serviciu de l'axencia produz en cinco idiomes: inglés, alemán, neerlandés, francés y español.
En 2005, les noticies de AP yeren utilizaes en 1700 periódicos y 5000 estaciones de televisión y de radio. La so llibrería d'imáxenes consiste de más de 10 millones de fotografíes. La AP tien 243 oficines y llega a 121 países, y ye tamién l'axencia de noticies con mayor cantidá d'emplegaos en más de 120 países. Tamién caltién el récor en premios Pulitzer, con un total de 49.
Al colapsar United Press International (UPI), en 1993 como mayor competidor, dexó a la AP como l'únicu serviciu de noticies con sede nos Estaos Xuníos. Los otros rivales que tamién publiquen n'idioma inglés —como l'axencia de noticies española EFE, la británica Reuters y francesa Agence France-Presse— tienen bases fuera de los Estaos Xuníos.
L'espardimientu de noticies per Internet amenaciaba la estructura financiera de la AP. El 18 d'abril de 2005, na so xunta añal, la AP anunció que dende'l 2006, per primer vegada, empezaría a cobrar xebradamente pola publicación de noticies ya imáxenes nes páxines web. Primeramente, el material de la AP podía ser publicáu n'Internet pol comprador ensin cargu extra. Sicasí, la cooperativa depués decidió abandonar el plan y llograr más llectores al llanzar la páxina web asap.
Los emplegaos estauxunidenses, sacante un pequeñu grupu clasificáu como "alministrativu", tán representaos por News Media Guild y Communication Workers of America.
Referencies
Enllaces esternos
