Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Bandera de Papúa Nueva Guinea}} ~~~~
La bandera de Papúa Nueva Guinea foi adoptada oficialmente el 1 de xunetu de 1971. Ta dividida en diagonal dende la esquina superior del llau del mástil hasta la inferior del llau opuestu: el triángulu superior ye colloráu, con una ave del paraísu de Raggi silueteada nelli, y l'inferior prietu, cola Cruz del Sur en blanco, neto les cuatro estrelles más grandes que la más pequeña. El diseñu de la bandera foi escoyíu mediante un concursu nacional, celebráu nos primeros meses de 1971 y ganáu por Susan Karike Huhume, una adolescente de 15 años.
El colloráu y el prietu son los colores tradicionaes de munches tribus del país, y dambos y el blancu yeren los colores de la bandera del Imperiu alemán, que colonizara la metada septentrional del país primeru de 1918. L'ave del paraísu de Raggi, pela so banda, apaez tamién nel escudu nacional del país.
Primero de la independencia l'alministración australiana propunxera una bandera tricollor con bandes verticales azul, mariella y verde, na qu'apaecíen tamién la Cruz del Sur y l'ave del paraísu de Raggi. L'azul quería representar el mar y les islles de Nueva Guinea, la Cruz del Sur apaecía como guía pa los viaxeros, el color doráu representaba les costes, la riqueza mineral del país y la xunidá, y el verde les viesques del país, siendo l'ave del paraísu el símbolu de la xunificación de toos nuna única nación. El diseñu foi acusáu de ser un inventu que repetía mecánicamente esquemes foriatos, y eso fizo que s'escoyera la propuesta alternativa diseñada por Susan Karike.
Banderes históriques de Papúa Nueva Guinea
Bandera propuesta pa la Nueva Guinea Alemana, que nunca llegó a ser oficial.
Bandera propuesta pa la Nueva Guinea Alemana, que nunca llegó a ser oficial.
Bandera del Territoriu de Papúa (1906–1949).
Bandera del Territoriu de Papúa (1906–1949).
Bandera del Territoriu de Nueva Guinea (1914-1949).
Bandera del Territoriu de Nueva Guinea (1914-1949).
Bandera d'Australia nel Territoriu de Papúa y Nueva Guinea (1949–1965).
Bandera d'Australia nel Territoriu de Papúa y Nueva Guinea (1949–1965).
Bandera usada nel Territoriu de Papúa y Nueva Guinea en competiciones deportives (1965–1970).
Bandera usada nel Territoriu de Papúa y Nueva Guinea en competiciones deportives (1965–1970).
Bandera propuesta pal Territoriu de Papúa y Nueva Guinea (1970–1971).
Bandera propuesta pal Territoriu de Papúa y Nueva Guinea (1970–1971).
Bandera del Territoriu de Papúa y Nueva Guinea (1971–1975).
Bandera del Territoriu de Papúa y Nueva Guinea (1971–1975).
.svg)
.svg)
.svg)
