Asitiada na confluencia del ríu Sava col Danubiu y na llende de la Llanura Panónica cola Península Balcánica, Belgrado estiéndese sobro una superficie de 3222,68 km², qu'ocupen el 3,6 % del territoriu de la República. L'área metropolitana alluga a una población de 1 756 534 habitantes[2] que representa'l 21 % de la población serbia,[3] siendo por ello tamién la cuarta ciudá más poblada del sureste d'Europa, dempués d'Istambul, Atenes y Bucarest.
Belgrado dispón, d'alcuerdu a la Constitución serbia, d'un estatus especial dientro de la organización territorial del país, pol que s'articula la representación ciudadana por aciu un sistema de gobiernu autónomu estremáu en dellos cuerpos[4] que son l'Asamblea de la Ciudá, l'Alcaldía y el Conseyu, siendo cada unu de los 17 conceyos nos que s'estrema alministráu por un conseyu propiu.[5]
Como capital de Serbia, Belgrado ye sede de los principales organismos ya instituciones del so Estáu, lo mesmo que de les universidaes y establecimientos d'investigación más importantes. Ye tamién el motor económicu del país, con un sector agrariu singular, y principal centru pal espardimientu de la cultura de Serbia. Ye una de les ciudaes más antigües d'Europa, con una historia que se remonta a casi 7000 años, con frecuencia sopelexada al ser escenariu d'enfrentamientos ente les potencies que s'apoderaron socesivamente la rexón.
Los primeros asentamientos apaecieron cola cultura prehistórica de Vinča escontra'l 4800 e. C. Nel sieglu III e. C. asitiáronse les celtes, y más tarde, los romanos fundaron la ciudá de Singidunum.[6] Los primeros documentos onde consta'l nome eslavu Beligrad daten del añu 878. En 1284 pasa a manos de los serbios de Sirmia, y a partir de 1403, del Despotado de Serbia. Más tarde tamién foi capital del Principáu de Serbia, convertíu en Reinu de Serbia en 1882, lo mesmo que de les distintes variaciones estatales de Yugoslavia ente 1918 y 2003, lo mesmo que de la Confederación de Serbia y Montenegru hasta la so disolución en 2006.[7]
Historia moderna
Belgráu embaxo l'ataque de la OTAN
Bombardéu alemán na Segunda Guerra Mundial con millares de víctimes civiles.
Fin de la ocupación alemana en 1944.
1945-1991 Capital de Yugoslavia
Manifestación duramente reprimida escontra Milošević. Dos muertos.
Bombardéu de la OTAN na Guerra de Kosovu en 1999. Esbarrumbe del hotel "Jugoslavija" y d'estaciones de radio y televisión (17 muertos nel edificiu de la Televisión RTS)
