La Biblioteca Nacional d'Alemaña (n'alemán: Deutsche Nationalbibliothek, DNB) ye la biblioteca más importante de la República Federal Alemana. Foi establecida en 1990, al axuntase nun solu cuerpu tres instituciones: la Biblioteca Alemana de Leipzig (Deutsche Bücherei Leipzig, fundada en 1912); la Biblioteca Alemana de Frankfurt del Main (Deutsche Bibliothek Frankfurt, fundada en 1947) y l'Archivu de Música de Berlín (Deutsches Musikarchiv Berlin). Nun empiezu funcionó sol nome de La Biblioteca Alemana (Die Deutsche Bibliothek), recibiendo'l so nome actual en 2006. Dende 1999, la so direutora xeneral ye Elisabeth Niggemann.
El so principal oxetivu consiste en recoyer y catalogar toles publicaciones n'alemán dende 1913 (incluyendo les sos respeutives traducciones a llingua estranxera), según tamién les esistentes n'otros idiomes en cuanto refiéranse a Alemaña.[1]
Les sos instalaciones tán partíes nes ciudaes de Leipzig y Frankfurt, enfocándose cada centru a distintes árees d'especialidá. Forma tamién parte de la institución l'Archivu de Música de Berlín (Deutsches Musikarchiv Berlin), fundáu en 1970.
La coleición de la Biblioteca Nacional d'Alemaña entiende 23,5 millones d'obres (13,9 millones en Leipzig, 8,2 millones en Frankfurt y 1,4 millones en Berlín).[2]
Ver tamién
Referencies
Enllaces esternos
