Blade Runner

Blade Runner
Datos
Títulu orixinal	Blade Runner (en)
Xéneru	tech noir (es) , Ciberpunk (es) , cine de suspense, neo-noir (es) , cine distópicu, cine negro (es) [1], cine de ciencia ficción[2], cine dramáticu, cine d'aición, cine de ciencia ficción de autor (es) y película basada nuna novela
País d'orixe	Estaos Xuníos y Ḥong Kong
Estrenu	25 xunu 1982 (Estaos Xuníos) 10 setiembre 1982 (Suecia) 24 setiembre 1982 (Dinamarca) 14 ochobre 1982 (Alemaña) 1982
Idioma orixinal	inglés
Duración	112 min 116 min
Llugar de la narración	Los Angeles
Rodaxe	Los Angeles
Formatu	2.35:1
Color	en color
Ficha téunica
Direición	Ridley Scott[7]
Producción	Michael Deeley[8], Bud Yorkin, Jerry Perenchio y Ivor Powell
Productor executivu	Brian Kelly y Run Run Shaw
Guión	Hampton Fancher David Webb Peoples
Música	Vangelis
Fotografía	Jordan Cronenweth
Edición	Terry Rawlings
Diseñador de producción	Lawrence G. Paull
Repartu	Harrison Ford[7], Edward James Olmos[10], Rutger Hauer[10], Sean Young[10], Daryl Hannah[10], Brion James[10], Joanna Cassidy[10], M. Emmet Walsh[10], Joe Turkel[10], William Sanderson[10], Morgan Paull[10], James Hong[10] y Hy Pyke[10]
Ver llista completa
Compañíes
Productora	The Ladd Company (es) , Tandem Productions (en) y Warner Bros.
Distribuidora	Warner Bros., InterCom y MOKÉP (en)
Costu	28 000 000 $
Recaldación	27 615 743 $ 32 914 489 $ (Estaos Xuníos) 41 722 424 $ (mundial)
Premios y nominaciones
Premios	ver Los Angeles Film Critics Association Award for Best Cinematography (en) (1982) BAFTA a la meyor fotografía (1983) BAFTA al meyor diseñu de producción (1983) premio Hugo a la mejor presentación dramática (es) (1983)
Nominaciones	ver Óscar a la meyor direición d'arte (1983) Óscar a los mejores efectos visuales (es) (1983) BAFTA al meyor montaxe (1983) BAFTA a la mejor música original (es) (1983) BAFTA al mejor maquillaje y peluquería (es) (1983) BAFTA al meyor soníu (1983) BAFTA a los mejores efectos visuales (es) (1983) Globu d'Oru a la meyor banda sonora (1983) Premio Saturn al mejor director (es) (1983) Premio Saturn a la mejor película de ciencia ficción (es) (1983) Premio Saturn a los mejores efectos especiales (es) (1983) Premio Saturn al mejor actor secundario (es) (1983)
Calificaciones
FSK	FSK 16 (es)
Medierådet	pa mayores de 15 años[13] y Prohibited for children under 16 (en) [13]
MPAA	R (es)
Blade Runner Blade Runner 2049
Enllaces esternos
Ficha n'IMDb
Ficha en FilmAffinity
Web oficial

Blade Runner ye una película de ciencia ficción norteamericana, dirixida por Ridley Scott, estrenada en 1982 ya inspirada na novela de Philip K. Dick ¿Suañen los androides con oveyes llétriques?, escrita en 1968. Anguaño esta película considérase como una de les más importantes de la historia del cine fantásticu.

La película describe un futuru nel que los nomaos "replicantes", seres artificiales fechos gracies a la inxenería xenética, faen les xeres más peligroses y llacerioses nes colonies esteriores de la Tierra. Dellos d'esos "replicantes", los más perfeutos como yeren los Nexus-6 (asemeyaos físicamente a los humanos, con más axilidá y fuercia y con delles rempuestes emocionales) col tiempu declararánse illegales en Planeta Tierra depués d'una revuelta sangrienta. Una estaya especial de la policía "los blade runner" sedrán los encargaos de rastrexar y matar a esos replicantes fuxitivos que tornaren a la Tierra. L'axente Deckard, afincáu en Los Angeles será'l que s'enfrente con un garrapiellu d'ellos especialmente hábiles y violentos.

Nel añu 2019 la humanidá ya ye quién a facer robós físicamente idénticos a les persones pero con una fuercia sobrehumana y ensin degúna forma de sentimientos. Per otru llau, las so gran asemeyanza colos humanos fai que los replicantes tres pasar cuatro años desendolquen dalgunes sensaciones averaes a sentimientos. Esta realidá xenera un problema nos sos creadores porque l'oxetivu final yera'l d'usalos como esclavos nos trabayos más difíciles y peligrosos nes colonies estelares. Asina pos, que surdan sentimientos ente ellos podría otra vegada llevalos a una revuelta.

La historia entama cuando seis replicantes Nexus-6 se rebelen porque quieren vivir en llibertá y que naide llinde la so edá imponiendo-yos una fecha de caducidá.

Tres una rebelión anterior d'unos antiguos robós se decide que los replicantes nun puedan tar enxamás na Tierra. Ye entós cuando se formen los "blade runners" que tienen como xera la de "retirar" a los replicantes indisciplinaos. Será Deckard, el personax principal, l'encargáu d'eliminar a esos Nexus-6. A lo llargo la película esti policía dirá camudando la idea que tien sobro los replicantes, too ello influyenciáu pol amor que siente por Rachel, una d'eses replicantes.

Magar que tien les traces d'una película d'aición, Blade Runner contién un bon númberu de fechos dramáticos. Dientru la estaya cyberpunk esta obra debe-y muncho al cine prietu ya que s'asoleyen figures como la muyer fatal, narraciones na primer persona, la cuestionable perspeutiva del héroe asina como la cinematografía escura y de solombres.

Afonda en dellos temes per importantes pala humanidá: temes filosóficos, relixosos asina como l'usu de la inxenería xenética. Hai un bon nivel de paranoya reflexada na manifestación visual del poder de les tresnacionales, la policía omnipresente, les lluces de les sondes y el control sobro la persona y la naturaleza (los animales son artificiales y fechos poles persones). Hai tamién un dominiu de la cultura xaponesa y de la so publicidá. Tamién hai una continua obsesión polos güeyos y les semeyes manipulables.

Blade Runner tuvo un nùmberu bien grande d'actores que naquella dómina nun yeren famosos.

1) Harrison Ford: Ye Rick Deckard. Ford venía de trunfar con Star Wars y taba a la gueta d'un papel dramáticu qu'atopó con Blade Runner.

2) Rutger Hauer: Ye Roy Batty. Hauer fizo una de les sos meyores actuaciones dientru del papel de cabezaleru violentu y complexu de los replicantes.

3) Sean Young: Ye Rachel. La semeya de la prefeición femenina a los 22 años.

4) Edward James Olmos: Ye Gaff. Utilizó'l so orixe étnicu p'axudar na creación de la interllingua que'l so personax usa durante la película. Amás, l'usu'l bastón crea un misteriu al so alrodiu.

5) Darly Hannah: Ye Pris. Hannah desendolca una interpretación alrodiu la inocencia peligrosa d'una replicante enamorada de Roy Batty.

Dalgunos actores secundarios son:

1) Brion James: Ye Leon. Destaca sobremanera pola so fuercia y la so intelixencia intuitiva.

2) Joe Turkel: Ye'l Doctor Eldon Tyrell. Magnate corporativu dirixe l'avance científicu y el desendolcu los replicantes.

3) James Hong: Ye Hannibal Chew. Un vieyu xenetista especialista na creación sintética de güeyos.

4) William Sanderson: Ye J. F. Sebastian. Inxenieru solitariu amuesa un calter compasivu y obediente de la humanidá.

La banda sonora de Blade Runner, fecha por Vagelis, ye una amestadura de composición clásica y l'usu de sintetizadores futuristes que reflexen el futuru retro y de cine prietu que Ridley Scott imaxinó. A la música de Vangelis solo se-y amestó'l saxo del compositor de jazz británicu, Dick Morrisey.

La banda sonora prestó a esgaya ente'l públicu en xeneral y la crítica en particular pero magar que Polydor Records fizo la promesa de comercializar l'álbum esto nun ocurrió hasta una década dempués.

Blade Runner estrenóse en 1290 sales de cine'l 25 de xunu de 1982. La fecha foi esa pol deséu del productor Alan Ladd Jr. porque los sos anteriores éxitos (Star Wars y Alien) estrenárense tamién un día 25.

Nun entamu Blade Runner collechó crítiques contradictories de la prensa especializada. Dellos críticos amosáronse confusos y decepcionaos porque la obra nun tenía'l ritmu narrativu que s'esperaba d'una obra de ficción mientres otros daben-y gran valor a la so complexidá temática.

La película nun tuvo bonos resultaos de taquilla nos Estaos Xuníos pero sí en resto'l mundu.

• Wikimedia Commons tien conteníu multimedia tocante a Blade Runner.