Empecipió la práctica del atletismu a la edá de diez años na escuela d'atletismu de la ciudá onde moró dende la so infancia mientres trés años, Palencia. Darréu, por motivos llaborales de los sos padres, tuvo que treslladase a Navarra lo que-y obligó a abandonar l'atletismu.[1] Sicasí, volvió a la llocalidá palentina con 18 años y retomó la so disciplina deportiva.
Nel so primer añu (2007) asitióse primero del ranking d'España promesa de los 200m llisos y segundu del ranking d'España absolutu. Una mancadura torgó-y allegar a los campeonatos d'España esa mesma temporada.
Al siguiente añu (2008) algamó por fin la gloria al proclamase Campeón d'España Promesa[2] lo que lu sirvió pa ser escoyíu pola selección española[3] y ser internacional en Lingolsheim[4] siendo terceru nos 200m llisos y segundu nel equipu de 4x100.
Salida de Tacos
Una grave mancadura en 2009 nel so todíu derechu estremó-y mientres dos años de l'alta competición[5] y foi sometíu a una operación quirúrxica en Valladolid. La esitosa rehabilitación foi llevada a cabu pol prestixosu doctor Pedro Guillén.
Yá en 2011 proclamóse, entrenándose él solo, Campeón d'España Absolutu de Pista Cubierta en Valencia[6] y cuartu puestu nel Campeonatu d'España d'Aire Llibre en Málaga.[7]
Nel añu 2012, participó nos Campeonatos d'Europa Absolutos que se celebraron en Helsinki debutando como atleta internacional absolutu.[7]
