La economía d'Uganda tien un gran potencial. Tien significantes recursos naturales, como tierres fértiles, agües regulares y depósitos de cobre, oru y otros minerales, amás de la descubierta recién de petroleu. Entá nun foi fechu un inventariu completu de los depósitos minerales del país.[1] L'agricultura ye'l principal sector económicu del país, y emplega más de 80% de la mano d'obra. El café ye'l principal productu esportáu.[1]
Uganda paecía tar llista pa una rápida crecedera económica y desenvolvimientu dempués de la independencia, sicasí, la inestabilidá política crónica y el manexu económicu erráticu produció un récor na persistencia de la cayida económica que dexó a Uganda ente los países más probes y menos desenvueltos del mundu.
Dempués del gobiernu d'Idi Amin, en 1981, el país empezó un programa tendiende a la recuperación de la economía doméstica, pal cual recibió considerable asistencia dende l'estranxeru. Escontra mediaos de 1984, sicasí, demasiaes polítiques d'espansión fiscal y monetaria y un nuevu españíu de guerra civil condució a nuevos problemes nel desenvolvimientu económicu.
Dende l'asunción al poder de Yoweri Museveni, a empiezos de 1986, el gobiernu fixo reblagaes escontra la rehabilitación económica. La infraestructura del país (especialmente los sistemes de tresporte y comunicaciones, que fueren destruyíos pola guerra y l'abandonu) foi reconstruyida. Reconociendo la necesidá de la medría de l'ayuda esterna, Uganda axustó en 1987 col FMI y el Bancu Mundial. Darréu empezó a implementar polítiques económiques destinaes a restaurar la estabilidá de los precios y la sostenibilidá de la balanza de pagos, ameyorando la capacidá instalada, rehabilitando la infraestructura, restaurando los incentivos pa los productores al traviés de polítiques de precios y ameyorando la movilización y llocalización de recursos nel sector públicu. Estes polítiques producieron resultaos positives. La inflación, que llegó'l 240% en 1987 y al 42% en xunu de 1992, foi del 5,4% nel añu fiscal 1995-96 y del 7,3% nel 2003.
La inversión, como un porcentaxe del PIB foi envalorada nun 20,9% en 2002, comparada col 13,7% en 1997. Les inversiones del sector priváu, llargamente financiaes por tresferencies privaes dende l'esterior, fueron del 14,9% del PIB del 2002. Les reserves nacionales brutes, vistes como un porcentaxe del PIB, fueron envaloraes nun 5,5 pal 2002. El gobiernu de Uganda tamién trabayó colos países acreedores pa reprogramar o atayar porciones sustanciales de la so delda esterna.
D'alcuerdu a les estadístiques del FMI, en 2004, el PIB per cápita de Uganda algamaba los 300 dólares, un nivel muncho más alto que nos ochenta, pero entá se caltenía a la metá del permediu del África sub-saḥariana. El PIB total pa esi mesmu añu algamó los 8.000 millones de dólares.
Uganda tien cerca de 30.000 km de caminos, cerca de los cualos 2.800 tán pavimentados. La mayoría d'ellos, nes cercaníes de Kampala. Tien 1.350 km de llinies ferriales. Una vía ferrial que s'anicia en Mombasa, nel océanu Índicu, #coneutar con Tororo, onde se ramifica escontra l'oeste, escontra Jinja, Kampala y Kasese y escontra el norte pa Mbale, Sototi, Llira, Gulu y Kapwach. Hai un aeropuertu internacional en Entebbe, na mariña del Llagu Victoria, a 32 km al sur de Kampala.
