Edward Bunker (31 d'avientu de 1933, Hollywood – 19 de xunetu de 2005, Burbank) foi un escritor de noveles policiaques, guionista y actor. Escribió numberosos llibros, dalgunos de los cualos afixéronse al cine.
Biografía
De neñu Bunker foi brillosu pero conflictivu, polo que pasó gran parte de la so infancia en distintos llares ya instituciones. Bien ceo se tresformó nun criminal, y siguió esti senderu mientres munchos años, ingresando en prisión una y otra vez. Foi culpable de dellos delitos: robu de bancos, narcotráficu, estorsión, robu a mano armada y falsificación. Bunker foi amigu cercanu de Danny Trejo, al que conoció en "Folsom State Prison", una prisión de California na que dambos cumplieron condena. Un repetitivu patrón de condenes, llibertaes condicionaes, fugues, etc. siguió hasta que salió de prisión en 1975. Nesi momentu acabaron los sos díes como criminal y dedicóse a escribir y, más tarde, a actuar. Pasaría dieciocho años de la so vida zarráu en distintos reformatorios y prisiones.[4]
La so primer novela, titulada Non Beast So Fierce (1973) foi afecha al cine por Ulu Grosbard y Dustin Hoffman, quien mercó los derechos a Bunker; la resultancia final foi Straight Time. Nun consiguió bones crítiques nin ésitu comercial, pero Bunker participó nel guión y amás tuvo'l so primer papel nuna película. En 1977 publicó The Animal Factory, consiguiendo crítiques favorables; nel añu 2000 foi afecha al cine pol actor Steve Buscemi. Eventualmente tuvo fugaces apaiciones y cameos en munches películes, como The Running Man basada na novela de Stephen King, Tango & Cash y la esitosa Reservoir Dogs de Quentin Tarantino, onde interpreta a Mr. Blue. Amás d'escribir el guión, tamién representó un papel en Animal Factory, basada na so novela del mesmu nome.
En 1977, casóse con Jennifer, una nueva abogada. En 1994, nació'l so primer fíu, Brendan. Bunker morrió'l 19 de xunetu de 2005 en California, a la edá de 71 años, por cuenta de una intervención quirúrxica p'ameyorar la circulación de les piernes.
Filmografía
Películes nes qu'intervien como actor y personaxe qu'interpreta:
People]] (1987) - Chuck
(1988) - Lenny
Cousins]] (1993) - Sr. Benson
a quien amar]] (1994) - Jimmy
Referencies
- ↑ Afirmao en: Gemeinsame Normdatei. Data de consulta: 12 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: autoridaes BNF. Identificador BnF: 137518666. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ «Archived copy». Archiváu dende l'orixinal, el 2013-01-13.
Bibliografía
- Non Beast So Fierce (1973). Afecha na película Straight Time (1978). Traducida al español como Nun hai bestia tan feroz, Sajalín editores, 2009. Antes publicárase en rústica col títulu Llibertá condicional, Argos Vergara, 1978, con ocasión del estrenu de la película protagonizada por Dustin Hoffman.
- The Animal Factory (1977). Afecha na película Animal Factory (2000). Traducida al español como La fábrica d'animales, Sajalin editores, setiembre de 2011.
- Little Boy Blue (1981). Traducida al español col mesmu títulu por Zulema Couso, Sajalín editores, 2012.
- Dog Eat Dog (1995). Traducida al español como Perru come perru por Zulema Couso, Sajalín editores, 2010.
- Mr. Blue: Memoirs of a Renegade (1999), publicada n'Estaos Xuníos col títulu Education of a Felon (2000). Traducida al español como "La educación d'un lladrón", Alba Editorial, 2003.
- Stark (2006). Traducida al español col mesmu títulu por Zulema Couso, Sajalín editores, 2010.
- Death Row Breakout and Other Stories (2010) – publicada a títulu póstumu.
Enllaces esternos
