El Nacional.cat ye un diariu dixital d'información general que ñaz en Barcelona en marzu de 2016. La so llinia editorial asume la opción independentista y, en xeneral, ye favorable al catalanismo y el avance del autogobiernu de Cataluña. [1][2]
Foi promovíu y fundáu por José Antich dempués de que fora cesáu comu direutor de La Vanguardia.[3] Financióse'l llanzamientu con una campaña de micromecenazgu.[4] El diseñu del diariu foi desenvueltu por Mark Porter y Pablo Martín.[1][5]
Los ámbitos d'antención preferente de El Nacional.cat alcuéntrense na actualidá política, económica, social, cultural y deportiva, con especial atención a la dinámica informativa de Cataluña.[1]Editáse'n catalán y en castellanu, y en parte, en inglés. La empresa editora ye'l Grup les Noticies de Catalunya.
Dispón d'ediciones que traten de forma esclusiva temes de prensa rosa (En Blau), dende'l primer día; de ociu y cultura (Revers, creada en xineru de 2021 y enantes La Llança, creada en mayu de 2017); una edición sobro asocedíos (El Caso), creada en marzu del 2019[6]y otra de gastronomía (La Gourmeteria), creada n'ochobre de 2022.[7]Amás, José Antich llanzó tamién el dixital económicu ON Economia, que apaeció en payares de 2022.[8]
Ente los sos comentaristas habituales d'actualidá política tán, amás de José Antich, Jordi Barbeta, Pilar Rahola, Gonzalo Boye, Bernat Dedéu, Enric Vila, Joan Josep Queralt, Elisa Beni, Montserrat Dameson o Bea Talegón [9][10][11][12]
En Blau
En Blau ye'l portal web de prensa rosa del diariu dixital El Nacional.cat,[13] que dirixe'l periodista lleridano José Antich y Valero. El equipu de redaición tá coordináu pol periodista Marc Villanueva, y cuenta tamién con Darío Porras y Jokin Buesa.[14]Les sos áries de atención preferente son los famosos, la televisión y la Casa Real española. El diariu atropa decenes de polémiques en Twitter por titulares consideraos sensacionalistes.[15]
Referencies
Enllaces esternos
