El País ye un periódicuespañol, redactáu íntegramente en castellanu y de pagu. Ye con una media de 425.927 exemplares diarios, el periódicu non deportivu de mayor difusión d'España, según la OJD. Tien la so sede social y redaición central en Madrid, magar que cuenta con delegaciones nes principales ciudaes d'España (Barcelona, Sevilla, Valencia, Bilbao, etc.) dende les qu'edita diferentes ediciones territoriales.
Caracterízase por ser un periódicu de tendencia europeísta, socialdemócrata no ideolóxicu, y pol gran tratamientu que da, no informativo, a les noticies de calter internacional, de cultura y d'economía, amás de la información sobre España. Cuenta con columnistes y collaboradores puntuales provenientes de diferentes ámbitos sociales, que dan una llinia editorial demócrata y europeísta del diariu.
Nel aspectu formal, El País carauterízase pola so sobriedá expresiva, tanto nel tratamientu de la información como no estético: páxines a cinco columnes nes que predomina l'orde y la nidia distribución de los distintos soxéneros periodísticos. La fotografía y la infografía cumplen un papel secundariu de mero sofitu a la información escrita. Dende la so fundación hasta finales de 2007 siempre mantuvo el mesmu diseñu, ensin apenes evolución, y la mesma tipografía: la Times Roman.[2]
El País pertenez al mayor grupu mediáticu español, el Grupu PRISA, que ye tamién propietariu de la Cadena SER (radio), Cinco Días (prensa económica), Santillana, Diariu As (prensa deportiva), Los 40 Principales (radiofórmula), Máxima FM, M80 Radio, Sogecable, Cuatro, Localia, Digital+ (televisión).
Historia
El País foi fundáu por José Ortega Spottorno y salió a la lluz el 4 de mayu de 1976[1], seis meses dempués de la muerte de Francisco Franco, y a principios de la transición española. La so salida al mercáu supunxo una revolución nel panorama periodísticu español, ya que se convirtió nel primer periódicu de clara vocación demócrata y europeísta, nun contextu nel que'l restu de periódicos españoles veníen d'una llarga historia nel franquismu. El diariu foi diseñáu por Reinhard Gade, con un modelu que marcó un enantes y un dempués na historia del diseñu periodísticu español. El País vino a ocupar el vacíu existente y convirtióse nel periódicu de la España democrática, dando voz, ente otros, a antiguos lluchadores antifranquistes y a los defensores de la democracia n'España, nunos momentos en que'l tránsitu del franquismu a la democracia taba tovía en plenu desarrollu. El so primer direutor (hasta 1988) foi Juan Luis Cebrián que vinía, como munchos otros periodistes españoles de la época, del Diariu Pueblo, muérganu de los sindicatos verticales franquistes.
Foi con motivu del golpe d'estáu del 23-F del teniente coronel de la Guardia CivilAntonio Tejero; En plena incertidumbre de la nueche del 23 de febreru de 1981, col gobiernu y tolos diputaos secuestraos nel Congresu, colos tanques del exércitu ocupando les cais de Valencia, y enantes de que Televisión Española pudiese emitir el mensaxe institucional del Rei Xuan Carlos I condenando'l golpe, El País sacó a la cai una edición especial del periódicu titulada «El País, cola Constitución». Foi'l primer diariu que salió a la cai aquella nueche posicionándose claramente, y llamando a los ciudadanos a manifestase en favor de la democracia. Foi mui comentáu en medios periodísticos que'l entós direutor d'El País, Juan Luis Cebrián, llamó per teléfonu al entós direutor de Diario 16, Pedro J. Ramírez pa propone-y que ambos periódicos ellaboraren una publicación conxunta en defensa de la democracia, y Ramírez negose alegando que prefería esperar unes hores a ver como se desarrollaben los acontecimientos. Diario 16 nun salió a la cai hasta'l mensaxe televisivu del Rei.
El compromisu de El País cola democracia ante'l 23-F y el trunfu por mayoría absoluta del PSOE nes eleiciones de 1982, facilitaren que El País consolidárase, durante la década de 1980, como líder indiscutible de la prensa española, frente a ABC, de tendencia más conservadora, el so principal rival n'aquellos años. Al prestixu d'El País contribuyó el so rigurosu tratamientu de les normes periodístiques y el fechu de que fuese el primer periódicu d'España n'establecer normes internes de control de calidá. Asina, foi'l primer diariu español en crear la figura del "Defensor del llector" (Press Ombudsman) y en redactar y publicar un Llibru d'Estilu que se convirtió en referencia, y continúa siéndolo, nel mundu del periodismu. El País tamién estableció varios acuerdos de collaboración con otros periódicos europeos de llinia socialdemócrata. Asina, en 1989, El País participó na creación d'una rede común de recursos informativos con La Repubblica (Italia) y Le Monde (Francia). Dende ochobre de 2001 inclúyese un suplementu de El País n'inglés na versión española del International Herald Tribune.
A principios de la década de 1990, El País tuvo que facer frente a una nueva situación tanto política como periodística. L'incrementu de la tensión política causada polos escándalos de corrupción del gobiernu socialista de Felipe González bipolarizó tanto a la política española como a la prensa en medios d'izquierda y de derecha.
A partir d'entós, tanto dende l'entornu del Partíu Popular, como de los medios de comunicación afines ideolóxicamente a aquel, acusose a El País y al restu de medios propiedá del Grupu Prisa[2][3] xunto con Sogecable[4][5] de sofitar los intereses del PSOE. A pesar d'ello, El País llogró mantener el so lideralgu como diariu xeneralista más vendíu d'España, anque a menor distancia de El Mundo.
A mediaos de los años 1990, El País foi'l segundu periódicu d'España n'ufrir una edición electrónica n'Internet, El País digital (dempués del periódicu en catalánAvui). Tamién foi'l primer periódicu español que'l 18 de payares de 2002, impuso el sistema de pagu p'acceder a los conteníos informativos de la so edición dixital, lo que se traduxo nuna disminución drástica de les sos visites, en tanto que la edición dixital d'El Mundo, que mantenía un accesu abiertu anque non completu a los conteníos del periódicu, facíase col lideralgu de la prensa dixital española. Enantes de tomar esta decisión, El País Dixital foi suspendíu en 2002 del control de la Oficina de Justificación de la Difusión (OJD) durante cuatro meses pola comisión de dos faltes graves.[6][7] El 3 de xunu de 2005El País volvió a abrir la mayoría de los sos conteníos gratuitamente, dexando básicamente a los suscriptores l'accesu a conteníos multimedia y a la hemeroteca.
El 21 d'ochobre de 2007El País llevó a cabo una renovación del so formatu y conteníos, incluyendo toda una serie de reformes qu'afecten tanto a la so edición impresa como a la proyeición dixital n'Internet, y sustituyó el so históricu lema "Diario independiente de la mañana" pol de "El Periódico Global de Noticias en Español". Una de les curiosidaes sobre el periódicu ye que pon tilde al so títulu de cabecera.
