Felice Gimondi (29 de setiembre de 1942, Sedrina – 16 d'agostu de 2019, Giardini-Naxos) ye un ex-ciclista italianu, profesional ente los años 1965 y 1979, nos que algamó 63 victories.
Moteyáu el Fénix, llogró les victories absolutes nes trés Grandes Vueltes al consiguir trés Giros, un Tour y una Vuelta. Nos trés grandes rondes per etapes llogró un total de 14 victories d'etapa al consiguir siete etapes nel Tour, seis nel Giro y una na Vuelta.
Gimondi ganó'l Tour de Francia 1965 gracies a que, nel últimu minutu, producióse una baxa inesperada nel so equipu, yá que nun taba escoyíu p'asistir al mesmu. Nel añu 1972 llogró'l segundu llugar nel Tour.
Amás de les trés victories nel Giro d'Italia (1967, 1969 y 1976), Gimondi tamién sumó dos segundos y cuatro terceros puestos, siendo'l ciclista que mayor númberu de vegaes xubió al podiu nel Giro.
Cola victoria na Vuelta ciclista a España 1968, Gimondi consiguió ganar nos trés Grandes Vueltes, daqué que solo consiguieron siete ciclistes a lo llargo de la historia: Eddy Merckx, Jacques Anquetil, Bernard Hinault, Alberto Contador, Vincenzo Nibali, Chris Froome y él mesmu.
En total llogró xubir al podiu 12 vegaes nos trés Grandes Vueltes.
Nos años 1970, tamién destacaría nel Campeonatu del Mundu de ciclismu, ganando les medayes de bronce, plata y oru nos años 1970, 1971 y 1973, respeutivamente.
En retirándose del ciclismu profesional, Gimondi acomuñó col fabricante de bicicletes Bianchi.
Palmarés
Resultaos en Grandes Vueltes y Campeonatu del Mundu
Reconocencies
Equipos
Referencies
Enllaces esternos
