L'Imperiu portugués foi un imperiu destacáu nos sieglos XV, XVI y XVII qu'empezó viaxando a tierres desconocíes polos europeos y asina empezando la Era de los descubrimientos. Aportó primero a la India y al sur africanu. Esti imperiu, sobre too nos sos empiezos, estructurábase en: les ciudaes puramente portugueses (Goa, p.e.); les factoríes, o construcciones en ciudaes non portugueses realizaes puramente pal comerciu (Chittagong, p.e.); les bases, o zones d'intercambéu direutu (ciudaes non portugueses ensin edificios que facíen el so mercáu dende les mesmes cargues del barcu). L'Imperiu Portugués pasó a pertenecer a la Monarquía Hispánica dende'l reináu de Felipe II y dixebróse nel reináu de Felipe IV (1580-1640).
