Ye la mayor de les islles que formen parte de la provincia Occidental y ta integrada nel grupu de les islles Nueva Xeorxa. La principal ciudá de la islla ye Munda, nel llagu Roviana, siguida de Boro, 17 km al norte de la primera, dambes con más de 3000 habitantes.
Tien un llargor de 72 km nel so llau más llargu y una superficie de 2037 km². El puntu más eleváu de la islla tien un altor de 1007 metros.
Ta asitiada, al igual que'l restu de les islles del grupu, nel llau inferior del estrechu de Nueva Xeorxa. La islla de Kolombangara alcuéntrase al oeste, tres el golfu de Kula, la islla de Vanguna al este, y la canal Blanche y les islles de Rendova y Tetepare al sur.
La islla ta cubierta de montes tropicales, y les actividaes económiques principales son la pesca y la silvicultura.
Islles del grupu de Nueva Xeorxa nun mapa publicáu nel añu 1895.
Población
En 1997 la islla tenía 19.000 habitantes. Na islla falen llingües del grupu de les llingües de Nueva Xeorxa, del grupu austronesiu, que de la mesma s'estremen n'occidentales y orientales.
Los primeres desembarcos estauxunidenses produciéronse'l 30 de xunu de 1943 y la islla foi controlada'l 23 d'agostu del mesmu añu tres intenses lluches na xungla, anque los combates siguieron hasta ochobre.
La ciudá de Munda foi la base del exércitu xaponés y nun foi tomada polos estauxunidenses hasta'l 5 d'agostu. Les instalaciones xaponeses de Bairoko Harbor, 13 km al norte de Munda, nun fueron tomaes hasta'l 25 d'agostu.
Tresporte
Hai vuelos directos entre Munda y Ḥoniara, la capital del país. Pa promover el turismu, Solomon Airlines introdució un vuelu directu selmanal entre Brisbane y Munda en 2019.
