José Luis Rodríguez Zapatero (4 d'agostu de 1960, Valladolid) ye'l 5ᵘ presidente del gobiernu d'España dende la Transición a la democracia.
Anque nació na ciudá de Valladolid dende pequeñu treslladóse a Lleón, ciudá d'u yera la so familia, el so padre ye un reputáu abogáu de la ciudá; y onde morrió fusiláu'l so güelu na Guerra Civil, un capitán que permaneció col gobiernu de la República.
Na ciudá de Lleón fixo'l bachilleratu, nel colexu Leonés, u participó nel equipu de baloncestu; y tamién ehí llevó a cabu los sos estudios de Llicenciatura en Derechu.
Afilióse a l'agrupación socialista llocal de Lleón en 1979, y cuando trabayaba como profesor axuntu de Derechu na Universidá de Lleón foi escoyíu como Secretariu Xeneral de la Federación Socialista lleonesa, cargu que caltendría hastata l'añu 2000, data na que sería escoyíu como Secretariu Xeneral del PSOE.
Hasta l'intre de presentase pa presidente del partíu, que lo fixo como diputáu por Madrid (calteniendo asina la tradición d'esti partíu, na cuala'l cabezaleru de llista o candidatu a la presidencia tien de selu pola capital del estáu) representara a la rexón de Lleón como diputáu nas eleiciones de 1986, 1989, 1993, 1996 y 2000.
El so partíu, el PSOE, ganóu les eleiciones xenerales de 2004. Dalgunes de les principales midías del so gobiernu fueron sacar les tropes españoles d'Iraq y llegalizar el matrimoniu ente ciudadanos del mesmu sexu.
El 9 de marzu de 2008 el PSOE volvió a ser el partíu más votáu nes eleiciones celebraes esi día siendo nomáu presidente pol Rei'l día 12 d'abril de 2008 tras ser elixíu por les cortes el día 11 d'abril en segunda vuelta y por mayoría simple.
Referencies
Enllaces esternos
_2.jpg)
.svg){kind=small}
.svg){kind=small}
_1class_BAR.svg){kind=small}
_Ribbon.jpg){kind=small}
