La kësterita o kesterita ye un mineral de la clase de los minerales sulfuros, y dientro d'esta pertenez al llamáu "grupu de la estannita". Foi afayada antes de 1958 nel xacimientu Kester, na república de Sajá (Rusia), siendo nomáu esti mineral a partir del nome del sitiu onde s'atopó.[6] Sinónimos pocu usaos son: isostannita o khinganita.
Carauterístiques químiques
Químicamente ye un sulfuru-estañato de cobre y cinc (CZTS).[7][8] Ye l'equivalente arriquecíu en cinc de la ferrokesterita (Cu2(Fe,Zn)SnS4). Como'l restu de los minerales del grupu de la estannita, son toos sulfuros con tres metales. Puede llevar como impureza daqué de fierro, pero si ye una cantidá apreciable entós trátase de la ferroskerita yá mencinada.
Forma una serie de solución sólida cola estannita (Cu2FeSnS4), na que la sustitución gradual del cinc por #fierro va dando los distintos minerales de la serie.
Formación y xacimientos
Apaez en pequeñes vetes d'orixe hidrotermal de cuarzo-sulfuro en xacimientos d'estañu. Suel atopase acomuñáu a otros minerales como: arsenopirita, estannoidita, calcopirita, calcocita, esfalerita o tennantita.
Ver tamién
CZTSen
Doping
Ionización
Institut de Recherche et Développement pour l'énergie Photovoltaïque (IRDEP)
Optoelectrónica
Película fina
Referencies
↑Afirmao en: The IMA List of Minerals (March 2019). Autor: International Mineralogical Association - Commission on new minerals, nomenclature and classification. Data d'espublización: marzu 2019.
