Lleón II (611, Sicilia – 3 de xunetu de 683, Roma) foi'l papa nᵘ 80 de la Ilesia católica dende 682 hasta la so muerte.[5]
Escoyíu papa en xineru de 681, darréu tres la muerte del so predecesor Agatón, foi l'encargáu de cerrar el Sestu Conceyu Ecuménicu.
Sicasí, la so consagración como pontífiz nun se produció hasta más d'un añu dempués, el 17 d'agostu de 682, por cuenta de que el emperador bizantín Constantino IV nun confirmó la eleición hasta que s'anuló la escomunión que'l citáu conceyu decretara sobre'l papa Honorio I poles sos afinidaes col monotelismo.
Mientres el so pontificáu, de menos d'un añu, punxo fin definitivu al conflictu qu'enfrentaba al papáu col obispáu de Rávena, que nun reconocía la supremacía papal sobre la base d'un decretu dictáu pol emperador bizantín Constante II qu'establecía que los obispos de dicha ciudá nun precisaben ser consagraos pol papa.
Referencies
