| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|R/P FLIP}} ~~~~ |
El FLIP (Floating Instrument Platform) ye un barcu-plataforma d'investigación perteneciente al gobiernu de los Estaos Xuníos d'América.
La so orixinalidá provién que ye un barcu normal cola capacidá de fundise y quedar vertical como si fuera una plataforma, pudiendo aguantar grandes nubes gracies a la so gran estabilidá.
La maniobra de cambéu de posición consiste en tener una gran cubierta de más de cien metros. El cascu de 108 metros de llongura ta provistu de tanques d'agua que se van enllenando y fai que'l barcu fúndase. Esta parte fundida funciona como anclaje p'asegurar la so estabilidá quedando somorguiada. La parte trasera del barcu ye la que queda percima de l'agua. La maniobra tien una duración averada de media hora y los tripulantes permanecen nel barcu suxetos. El moblame tien un sistema de xiru que fai que se mueva y los baños tán doblaos unos pa la posición de barcu y otros pa la posición de plataforma.
El barcu ta diseñáu pa estudios meteorolóxicos, señales acústiques, temperatura de l'agua, densidá y estudiu del altor de les agües. La so tripulación ta compuesta por cinco tripulantes y hasta once científicos.
Foi diseñáu na década de los 60 pola Universidá de California y construyíu en Portland, Oregón pola compañía Gunderson Brothers Engineering Company, siendo botáu en xunu de 1962. Nel añu 1995 recibió una subvención de dos millones de dólares pa la modernización del equipamientu.
Puede operar per tol mundu anque la so zona habitual d'aición ye la mariña oeste d'Estaos Xuníos.
Referencies
Enllaces esternos
