Xordania ye un pequeñu estáu con pocos recursos naturales. Una de les mayores preocupaciones ye l'agua, campu nel que'l país ta buscando formes de facer un usu más eficiente de les reserves esistentes, incluyendo la cooperación rexonal. Xordania depende tamién del esterior para satisfaer a la mayoría de les sos necesidaes enerxétiques. Na década de 1990, les sos necesidaes de crudu cubriéronse gracies a les importaciones dende Iraq y de los países vecinos. En 2003 completóse la construcción del gasoductu Arab Gas Pipeline que va d'Exiptu a la ciudá portuaria d'Áqaba, nel sur del país. El gobiernu pretende ampliar esti gasoductu hacia'l norte hasta la zona d'Amán y más allá.
Dende 2000, les esportaciones de productos testiles qu'entraron nel mercáu norteamericanu supunxeron un impulsu pa la economía. El gobiernu punxo especial énfasis nel potencial de los sectores de la teunoloxía de la información (IT) y del turismu como posibles impulsores de crecimientu económicu.
El Bancu Mundial da a Xordania la clasificación de "país d'ingresos medios altos". El PIB per cápita yera d'aproximao 3.817 dólares (3.479 €) en 2003 y un porcentaxe de paru del 40,5% de la población económicamente activa. La educación y la tasa d'alfabetización, amás d'otres midíes de bienestar, son relativamente elevaes comparaes con otros países de renta similares.
_(13252089754).jpg)
.svg)
