Share to: share facebook share twitter share wa share telegram print page

Álvaro Jiménez Alonso

Álvaro Jiménez Alonso
Vida
Nacimientu Vélez-Málaga, 29 de febreru de 2000[1] (24 años)
Nacionalidá España
Oficiu
Oficiu llanzador de pesu
Cambiar los datos en Wikidata

Álvaro Jiménez Alonso (29 de febreru de 2000, Vélez-Málaga) ye un deportista español que compite n'atletismu, especializáu en llanzamientu de pesu. Dende'l 26 de mayu de 2023 tien el récord d'España de la so especialidá (clase F-41) con 8,39 metros, llográu en Basauri (Bizkaia).[2][3]

Estrenóse como deportista nel club Clínicas Rincón (dempués Rincón Fertilidad) de Vélez-Málaga compitiendo en llanzamientu de pesu, discu y xavalina. En 2019 ingresó nel Club de Atletismo Adaptado Saiatu-Javi Conde, de Basauri, compaxinando l'entrenamientu deportivu colos estudios d'Inxeniería Civil.[4] Álvaro Jiménez foi delles vegaes campeón d'España tanto en llanzamientu de xavalina como en pesu, especialidá esta postrera na que terminó concentrándose, y na que yá ganó los campeonatos d'España d'Atletismu Adaptáu de 2020, 2021, 2022 y 2023.[3]

En 2021 superó en 13 cm la marca mínima para representar a España nunos Campeonatos d'Europa (7,50 m), convirtiéndose asina nel primer español de talla baxa que lo llogra.[5]

Nel Grand Prix de París 2022 d'atletismu adaptáu, celebráu los díes 9 y 10 de xunu, quedó quintu en llanzamientu de pesu F41 con 8,08 metros, lo que supunxo un nuevu récord d'España.[6]

Competiciones internacionales

Representando a  España
Añu Competición Sede Puestu Prueba Marca
2021 Campeonatu Européu Bydgoszcz (Bandera de Polonia Polonia) 5ᵘ Pesu 7.96 m

Campeonatos d'España

  • Campeón d'España de llanzamientu de pesu adaptáu (2020, 2021, 2022, 2023)

Televisión

  • 2023: El conquistador del Caribe VI, como concursante.[7]

Referencies

  1. ↑ URL de la referencia: https://www.los-deportes.info/alvaro-jimenez-alonso-atletismo-spf684760.html. Data de consulta: 11 setiembre 2023.
  2. ↑ https://www.feddf.es/seccion-deporte/428/n.html
  3. ↑ 3,0 3,1 Ortiz, Jesus (29 de mayu de 2023). «Ocho récords de España en el Campeonato de atletismo en Basauri • dxtadaptado». Consultáu'l 26 d'agostu de 2023.
  4. ↑ Enrique Miranda: El malagueño Álvaro Jiménez, un lanzador de peso adaptado de récord, en Sur, 13 de xunu de 2019.
  5. ↑ Enrique Miranda: El malagueño Álvaro Jiménez llega más lejos en el lanzamiento de peso paralímpico, en Sur, 12 d'abril de 2021.
  6. ↑ Jesús Ortiz: El atletismo español deja buenas sensaciones en el Grand Prix de París, en DtxAdaptado.com, 11 de xunu de 2022.
  7. ↑ Ficha de Álvaro Jiménez Alonso en la web del programa en Euskal Telebista.

Enllaces esternos
Kembali kehalaman sebelumnya