An Sarawak saro sa duwang estado kan Malaysia sa isla nin Borneo. Saro man ini sa mga estadong nagtugdas kan pederasyon nin Malaysia, kaiba an norteng Borneo (Sabah), Singapura asin kan Pederasyon nin Malaya. Igwang awtonomong ley an Sarawak, lalo na pag'abo sa pandarayuhan na kaiba sa mga estado kan Rawis nin Malaysia. Bistado an estado bilan Bumi Kenyalang ("Kadagaan kan mga Kalaw").
Mahihiling an Sarawak sa Norte-Sulnupan kan Borneo asin kahangganan kaini ag estado nin Sabah sa Norte-Subangan, Indonesya sa habagatan, dangan napalilibutan kaini an Brunei. Kuching an kapitolyo kan estado na igwang populasyong maabot nin 700,000.[3] Segun sa huring Sensus kan 2010, umabot sa 2,420,009 an populasyon kan Sarawak.